Nunarjuap Ukiuqtaqtuup Inuit Katimajingit 14-ngannik Tamainnik Katimarjuaqtut
Nutaaq Niruaqtaurataaq Iksivautangat: Sara Olsvig
2022-mi Tusagaksait Nalunaijautingit Angirutaujut
Julai 21, 2022 – Qaritaujakkut tarrijautikkut katimalutik – Inuit Katimajingit Alaaskamik (Amialikamik), Kala&iit Nunaat, Kanatamik, ammalu Chukotkamik (Russiamik) katimajariiqput kajusittialauqtunik 14-gijanganik Nunarjuap Ukiuqtaqtuqpasiup Inuit katimajingit (ICC-kut) katimarjuarninginni ullumi. Katimalutik isumagijautitaq taijaulauqtuq “Inuit Sannginingit ammalu Saimaniqarningit” niruaqtaulauqtuq Inuit sanginiqarninginnut nunarjuami suli nuvangnarjuaqaqtualuutillugu. Katimarjuarnirmi Ikajuqsuijigijaulauqtuq Kalaa&iit Nunaanik Sivuliuqtingat Múte Bourup Egede.
Iksivautaunirmik pijariiqtuq Dalee Sambo Dorough uqalauqtuq, “Isumaluutauningit maannaujuq nunarjuarmi qanuiliurutauvaliajut pivalliatuinnaqtumik aktuivalliangmata Ukiuqtaqtuup aviktuqsimaningani, tamanna pijjutigillugit nirualilauqtugut tusaumajauqujiniq inuquttitta sanginirijangit taimangallu turaagaqasuungunittinnik ujjiqtuttiarniq pittiajusainnarnikkut ammalu akirariigutauttailimajunik saimanikkut atuqtauqattaqujiniq, taimangat nunaqutigijattinnik isuqangittumut”.
Katimarjuarninginni pilirilauqtut unikkaaliarijaujunik piliriarijausimajunik, ammalu angirutaullutik 2022-mi Tusagaksangit Nalunaijautiliarijaulauqtut. Katimaninginni pingasunik ullunik, 66 Inuit katimajaqtuqsimajut unikkaarviulauqtut makuninga: Sivuniksamik Nunarjuarmi Ilagiilirviksanik: Nunarjuarmi Nunalituqait Inuqutingit Pijunnautiqarningit ammalu Nunarjuarmi Ilagiilirviksangit; Niqiksaqattiarunnariaqarniq, Ilagiiktut Makkuktullu; Aanniaqangittuliriniq ammalu Qanuinginniq; Iilinniaqtuliriniq ammalu Uqausiliriniq; ammalu Nunalituqait Qaujimaningit.
Iksivautauniq Nunarjuarmi Katimajini tunijaulauqtuq Kala&iit Nunaanut sitamanut arraagunut. Sara Olsvig tamainnut niruaqtaulauqtuq Iksivautaunirmut, inangiilluni Alaaskaup iksivautaanik Maligalirijimik Dalee Sambo Dorough.
“Inuit Nunarjuup Ukiuqtaqtuqpasinganik Katimajingit pijunnautiqainaqtut pigialisaaqtillugit–taimangat sivullimi katimajariuramik 1977-ngutillugu tukisinaqtunik pinasuarutiqaqsimajut tapiriiguumaniq nunaqutittinnik akiraqtuutiqarviungittumik aturlutik saimanikkut, nunaligjuaqutittini piliriqatiqarumaluta pivalliatittinirmik isumaqsuutaujunnaqtunik aulattijiuqataujunnarniq piusirijauvaktunik aturumalluta, ilagiiguunnarnikkut saqitittijunarniq piusigiarutaujunnaqtunik, ajurnarunniirunnaqtunik inuqutittinnut – aaqiumajauqullugit pivalliatitauqullugilu tapiriiguunnarnivut,” uqalauqtuq niruaqtaurataaqtuq Iksivautangat Sara Olsvig. “Qaujimagatta Ukiuqtaqtumi – angirrarillugu – Inuit Nunaat inigijaujuq piliriqatigiigiaqarnirmut, uqaqatigiiguunnarnikkut pijariitiarumaniq turaangajunik qanuqtuurutiksanik. Taimaak katujjiqatigiikput – Nunarjuup Ukiuqtaqtuqpasinganik Inuit Katimajingit – saqititaulauqput piliriinnarniaqsutiglu.”
Katimaniq isulimmat, ICC-kut Aulattijingit katimalauqtut ilaliutillutik niruaqtaurataaqtut nunnaginnik, Iksivautangallu ukualu katimajiuliqtut nuttaat.
Iksivautaq: Sara Olsvig (Kalaliit Nunaat)
Alaaska: iksivautaup Tuglia: Marie Greene; Katimajiuqataq: Nicole Kanayurak Wojciechowski
Kanatami: iksivautaup Tuglia: Lisa Koperqualuk; Katimajiuqataq: Herb Nakimayak
Chukotka: iksivautaup Tuglia: Irina Mishina; Katimajiuqataq: Zinaida Chernousova
Kalaliit Nunaat: iksivautaup Tuglia: Kupik V. Kleist; Katimajiuqataq: Nuka Kleeman
Tagvani Katimarjuarningini 14-gijamik qaritaujakkut tarrijautikkut katimalauqtut pijjutauluni nuvangnarjuaq angiqatigiilaurmata katimajumaarniq Julai 2023-mi tauvani tikisimalutik ilulissat, Kalaliit nunaani. Kinguniagut 15-gijangani ICC-kkut tamainnik katimarjuarviksaqaqtut tamaani Kanatami 2026-mi.
-30-
Uqarviksait:
Eilene Adams Kupik V. Kleist Melodie Lavallée
ICC (Alaaska) ICC Kala&iit Nunaat ICC (Kanata)
eilene@iccalaska.org kvk@ggnuuk.gl Mlavallee@inuitcircumpolar.com