Inuit Ukiuqtaqtumiuqatigiit Katimajingit Kanatami Arraagutamaaqsiutimingnit Katimaniliit Kuujjuami Niruaqniqaqsutik Angajuqqaatsamik Tungilitsanganillu Angajuqqaap (Nunarjuamut)
Julai 18, 2022 – Kuujjuaq, Nunavik, Kupaikmi – Inuit Ukiuqtaqtumiuqatigiit Katimajingit (Kanata) Arraagutamaaqsiutimingnit Katimaniqaqtuminiit Kativingmi Nunaliup Pinnguarviqutingani Kuujjuami ilangit katimaqatautillugit qaritaujatigut. ICC−kut Kanatami niruaqniqaqtirsinirmijut Angajuqqaatsamik Tungiliksanganillu Angajuqqaap (Nunarjuamut).
“Iqqagitsiaqsugu quviagisimavara pijitsirnira Angajuqqaangullunga ICC−kunnut Kanatami arraagunik sitamanik aniruqtunik,” uqaqtuminiq Maanika Iul−Kanajuq. “Kiggatuqsugit Inuuqatikka nunarjuami katimatitsinirni suurlu Ukiuqtaqtumut Katimajiit katimaniqaqtillugit Nuauaimi, ammalu Juunait Naisannut Katimajiunginnarviliit Nunaqaqqaaqsimajut Isumaaluutaujut Pijjutigillugit (UNPFII) Niu Juakmi iqqaumanarniqpauqasiutisimajut atuqsimajangni pimmariullunilu nipiqautigilugit nilliagutigijarialivut katimanirmi. Qujagijumammijakkattauq Makivikkut Kuapuriisangat katimaniqaqtitsigunnaqsimammata Arraagutamaaqsiutimik Katimaniqaqtilluta, atangiqsugillu katimajaqtuqsimajuminiit pinasuarusirmi tavvani ICC-kut 14−nganik Katimaniqaqtilluta Katimanirmi (GA), qaritaujakkut katimaqatigiingniulluni.”
Isumagillugu nunagnarjuamut qanimannat attuinilik nunarjuami nunalingnit taimangannik Maatsiminik 2020 taanna ICC−kut Kanatami Arraagutamaaqsiutimik Katimaniq, ammalu katimanituinnaq turaagaliik katimajjutaugiaqaqtunik pilirianit katimajjutiqarnirmi maligialinnik malillutik maligaralaanik tamakkiinnuk ICC−kunnut Kanatami, ammalu ICC−kunnut iluunnainnut. Taanna Arraagutamaaqsiutimik Katimaniq ullumi naammagijaqaqsuni kajusititsinikkut Aniguqsimajunik Katimajjutiminirnit, Angajuqqaap Unikkaaliarisimajanginnit, ammalu Naammatsanikkut Kajusititsillutik Naasaijinut Naasaqtausimajunit Kiinaujalirijjutiminirnik Arraaguumut 2021-2022.
Katimajaqtuqsimajuminiit tavvunga ICC−kut Kanatami Arraagutamaaqsiutimik Katimanirmut ukuangullutik:
Maanika Iul−Kanajuq − ICC−Kut Kanatami Angajuqqaanga
Liisa Qupirrualuk – ICC−Kut Kanatami Tuglia-Angajuqqaap (Nunarjuami)
Natan Upiat – Inuit Tapiriit Kanatamikkunnut Angajuqqaaq
Jiuri Saapai – Angajuqqaanga Pauttuutikkunnut Inunnut Arnanut
Puraijan Pattul – Angajuqqaaq Kanatami Inuusuttunut Katimajinut
Nunavik
Pita Aatami – Angajuqqaanga Makivik Kuapuriisakkut
Aatami Tilail−Alaku – Tuglia-Angajuqqaap Avatilirinirmi, Uumajulirinirmi ammalu Qaujisaqtulirinirmi Makivik Kuapuriisakkunnut
Juaj Puurti – Kiinaujaliriji Makivik Kuapuriisakkunnut
Nunatsiavut
Juuhanas Laap – Angajuqqaaq Nunatsiavut Gavamanganut
Juraat Aasivak – Minista Aanniaqarnangittulirinirmut Inuuqatigiigusiullu Pivalliatitauninganut, Nunatsiavut Gavamanga
Tiuri Vinsat – Minista Nunalirinirnut ammalu Surraittunut Aturunnaqtunut, Nunatsiavut Gavamanga
Nunavut
Aluki Kuuttiq – Angajuqqaaq Nunavut Tunngavikkut Timiqutinganut (NTI)
Ulaajuk Akisuk – Angajuqqaaq Qikiqtani Inuit Katujjiqatigiinginnut (QIA)
Sitaanli Anaplak – Qitirmiut Inuit Katujjiqatigiinginnut (KitIA)
Inuvialungmiuni
Tuain Simis – Iksivautarijaq Angajuqqaangullunilu Inuvialuit Nunalingita Kuapuriisanganut
Iavalin Stuar − Aulatsiji Tukimuattitsiji Atiqaqataujunut Pijitsirutaujunut, Inuvialuit Nunalingita Kuapuriisanganut
Alaksantiia Kuutan – Inuvialuit Nunalingita Kuapuriisanganut
Kinguningani ICC−kut Niruarningita:
Angajuqqaaq – Liisa Qupirrualuk quviagijaulluni angajuqqaaqtaaminiq nutaanguniarluni ICC−kut Kanatami Angajuqqaangunialiqsuni.
ICC−kut Kanatami Tuglia-Angajuqqaap (Nunarjuami) – Huup Nakimajak niruaqtaminiq nutaangulluni ICC−kunnut Kanatami Tuglianut-Angajuqqaap (Nunarjuami). Marruuk niruaratsaujuminiik niruaqtaugasuaqsutik tavvunga iniujumut: Kuristu Maatin−Lapiansiki ammalu ᕼuup Nakimajak.
Katimaniq ICC−kut Katimanirmingnik Katimaninganik pigiaqsuni Aippirmi Julai 19 Tikillugu Sitarmik Julai 21 qaritaujakkut 3−mi Kanangnaup siqinngujanga malillugu – 7−mut Kanangnaup Siqinngujanga malillugu atunik ulluni.
Takugiarlugu ICC−kut Kanatami ikiaqqivinga uvani www.Inuitcircumpolar.com qanuiliuqattarningita miksaanut titiraqtausimajut, qaritaujakkullu turaarut qimirruniarlugit katimajjutiminiit. ICC−kut Kanatami aritaujakkut tusaratsaqutingit− Tuvitukkut, Vaispukkut, Instaguraamkullu – turaarutikkut tavvuuna turaaqtitsiqasiutigunnarmijut qaritaujakkut ikiaqqivinganut.
-30-
Qaujigiarvigilugu:
Miluti Lavalii
ICC−kut (Kanata)
mlavallee@inuitcircumpolar.com
Taakkua Inuit Ukiuqtaqtumiuqatigiit Katimajingit Kanatami (ICC−kut) Nunaqaqqaaqsimajut Timiqutingat (IPO) pigiaqtitaminiq 1977−mi kajungiqsaigutiqarniaramik quviasuutigilugulu atausiuqatigiingningat 180,000−niittut Inuit Alaaskamiut (Mialigai Nunangat), Kanata Kalaałiit Nunaat, ammalu Sukutka (Rasa). ICC−kut iqqanaijaaqaqpattut ikajuqtuqsugit Inuit pijunnautingit, nautsiturningit ukiuqtaqtuup avatinganik, ammalu saputilugu qaujijautillugillu inuit piqqusirmigut inuusiqausiningit . Iqqanaijaarilugu silaup asijjirninga, sulijuqsaratta pijariaqallarilirmata nunarjuami sivuliqtiit gavamaillu ilitaqsilutik, iqqagitsiarlugulu atangiqtumillu atuliqtillugu inuup timiliup pijunnautingit Inuit asingitalu nunaqaqqaaqsimajulimaat nunarjualimaami.