“INUIT ATAUSIUMMA SIVUNISSALIUQTUT PILIRIQATIGINNIKKUT”
15−NGANNI INUIT UKIUQQAQTAQTUMI KATIMAJINGIT (ICC) ARRAAGUTAMAAQSIUTINGA PIJARIIJAQTUQ
Julai 25, 2026— Iqaluit, Kanata — Inuit Ukiuqtaqtumi Katimajingit 15−nganni Arraagutamaaqsiutinganni pijariiqtut ullumi iqalunni, nunavummi. Inuit quviasuutiqalauqtut unikkausiqaqtutit piqqusinginni tunngasuttittillutit Inuuqatinginni Alaaskamit, Kanatami, Kalaałiit Nunaani, Sukaatkamilu. Ulunut tisamanut uqausiqaqtutit, katimajiillu unikkaaliuqtutit Inuit Ukiuqtaqtumi Katimajinginni (ICC) atuni allavinginni, tusaqtaullutit Inuit qaujimajummariit, piqujarnit sivulliqpautigialinnit aivaniqaqtutit, tigusillutillu Iqaluit Nalunaiqsinginni kamagijarialinni aaqqissuillutillu sivulliqpautigialinnit pimmariujunut Inunnut. Katimaniq pijjutiqaqtuni, Inuit Tapiriit nunarjuami, pimmariugijaulauqtuq tamaani.
Katimajut nirualauqtut Inuit Ukiuqtaqtumi Katimajinginni (ICC) Issivautarmit, sivuliqtiillu katimajiralaanginni aulattiniaqtunik katujjiqatigiimmit 2026−mit 2030−mut. Issivautaq nuutaulluni Kalaałiit Nunaani Kanatamut, Aluki Kuuttiq Issivautarmut niruaqtaulluni Inuit Ukiuqtaqtumi Katimajinginnut (ICC). Aluki maanna Issivautaummat Kanatami Katujjiqatigiinnik Katimajillaataangujunik Nunaqaqqaaqsimajulirinirmit ammalu Issivautaup tungilirilauqsimalluniuk Nunaqaqqaaqsimajut Uqausinginni 2022-2032-mut. Angijuqqaangulauqsimammijuq Nunavut Tunngavikkunnut 2016-mit 2024-mut. Piliriqattaqsimajanginni, nilliajittiavaaluuqattaqsimajuq Inuit pijunnautingitta missaanut kanatami silarjuamilu.
“Upillarittunga qujalittiaqtungallu piviqaqtiugama issivautaullunga Inuit Ukiuqtaqtumi Katimajinginni (ICC),” uqalauqtuq Issivautaq Aluki Kuuttiq. “Piliriniarnitinni, taimailuunginnarlunilu, piliriqatiqainnarluni Inuit Nunanganni sivunittinni quvinallarinniaqtuq. Siura Ulsvik sivuliqti sanngatittikanniqsimammat katujjiqatigiinnik makitaninginni piusivaallikanniqtutillu pilirijunnatillugit.”
Kajusituinnarniaqtut Issivautaq Siura Ulsvik pivalliaqattalauqtangit attuiniqaqtut Inunnit ammalu piliriangit kajusiqattaqsimalauqtut ukiunut tisamanut, qujalittiaqtunilu piviqaqtitaulaurngat Issivautaulluni Katujjiqatigiimmut.
“Sanngijualuusimajuq pilirittiaqtualuullutillu Katimavijjuaqtillugit. Inuit Ukiuqtaqtumi Katimajinginni (ICC) katimajingit nuqsaq, tuup tigulinga − Inunimaannut. Tainna, uvagut, isumaliurnitigut nalunaiqsinittinillu pilirijunnanittinni, tunisisimagatta Inuit Ukiuqtaqtumi Katimajinginni (ICC) tilisijjutinit ukiunguniaqtunik aggiqtunit. Inuit Ukiuqtaqtumi Katimajinginni (ICC) taikani, tuukkaq, nuvua tuuq aminganuusuuq nirjutiup. Katimajiit tilisillutit uvattinni, saqqiitittillutit Inuit Ukiuqtaqtumi Katimajinginni (ICC) silarjuamut, isumaliarisimajavut kajusitiqullugit. Inuit Ukiuqtaqtumi Katimajinginni (ICC) isumaliaminirminit taimailingatittiinnaqujillutit silarjuami aivaqatiqaqtillugit, ilaannikkut tunngasuinnaqattatinnata, taimaak tilijausimagatta upinnarani. Inuit Ukiuqtaqtumi Katimajinginni (ICC) tigumiaqtaummata inulimaattiarnut. Uvagut nuqsaujugut. Qujalittiaqtunga aninialiqtilluta katimavijjuarmi nalunanngittiaqtunit pijassaqarniaratta sivuliqtiunittinni.”
Tavvani arraagumi nalunaiqsijut ajjiungittulimma utiqtutit iqalunnut, Katimalauqsimajut 1983-mi. Katimaniq nalunaiqsikanniqtuq Inuit Ukiuqtaqtumi Katimajinginni (ICC) pilirianginni sivuvaqtitikkaniqtutit Inuit pijunnautinginni, namminiq pinasuarninginni, avatittinni kamattiarnirmit, uqausittinni piqqusittinillu, pivallianirmit, silarjuamilu nilliajiullutit. Pivallianinginnillu, piqqusittinni takussautittigunnaratta, quviasuutiqaqtuta inunnit piqqusinginnillu takussautittigunnaqtuta.
Katimavijjuarniq isulippallialiqtillugu, Inuit Ukiuqtaqtumi Katimajinginni (ICC) katimajiit nutaarnit pigiarutiqaqtutit ukiunut tisamanut kamaniaqtutit piliriassanik atuliqtittilutillu sivulliqpautigialinginni iluaniittunit Iqalunni Nalunaiqtaulauqtunik.
“Tavvanngaaqpallialiqtunga Katimavijjuarnirmit quviallarittunga nutaarnit piliriniarninnit sivunittinni. Nalunanngittuq Inuit inuuqatigiillarimmata sivunittinni saqqiivattut piliriqatigiittutit. Piliriqatiqarniarninnit qilanaattiaqtunga Inuit Ukiuqtaqtumi Katimajinginni (ICC) Sivuliqtiit Katimajiralaanginni piliriangujarialinni sivulliqpautigialinnillu kamaniaqtillu aaqqisuqtaulauqtunik Iqalunni Nalunaiqtanit,” uqalauqtuq Issivautaunialiqtiq Aluki Kuuttiq.
Ukua katimavijjuaqtillugit Inuit Ukiuqtaqtumi Katimajinginni (ICC) Sivuliqtiit Katimajiralaanginnuulauqtut nunalingillu piqasiutillugit, silarjuamilu Issivautauningit. Sivuliqtiit katimajiralaangit imaittuuliqtut:
Issivautaq: Aluki Kuuttiq
Alaaska: Angijuqqaaq Muri Guriit ammalu Angijuqqaap Tungilinga Nikuul Kanajuraq Ujsisuski,
Kanata: Angijuqqaaq ᕼup Nakimajuk ammalu Angijuqqaap Tungilinga Naita Upat Sivuliqtiukainnaqtuq Katimajiralaanut.
Sukatka: Angijuqqaaq Inina Massiqiakuva ammalu Angijuqqaap Tungilinga Muria Laita.
Kalaałiit Nunanga (Greenland): Angijuqqaaq Ama Linnit ammalu Angijuqqaap Tungilinga Nivi Ruusing.
Inuit Ukiuqtaqtumi Katimajinginni (ICC) Sivuliqtiit Katimajiralaangit qujalittiaqtut Nunavut Tunngavikkut Angijuqqaangannut Guluarija Uluqsimit iqqanaijaqtingillu tunngasuttittialaurninginni, pilirijumattiaqtutit assuruttiarninginnullu. Arraagutamaaqsiutinga katimaniq Kajusigajalaunngittuq Ikajuqtuqtaunningippat.
Sivuliqtiit Katimajiralaangit qujalimmijut Sitikkunni Iqalunni tunngasuttittilaurninginni qanuiluuqtittiqattaqtutit nunalinnit.
Kingulliqpaamili, qujalittiaqtugut ikajuqattalaurninginni tunisiqattaqtullu Katimavijjuarnirmut. Uqausirigumammigattigu Kanataup Gavamakkungit ammalu Nunavut Gavamakkungit Ikajuqtuinginnaqattarninginnut katujjiqatigiinnit.
Kingullirmi Inuit Ukiuqtaqtumi Katimajinginni (ICC) arraagutamaaqsiutinganni katimagumaalirmijut Nuummi, Alaaska 2030-mi.
Sofia Geisler
ICC Greenland
299 34 22 25
sofia@inuit.org
Kelly Eningowuk
ICC Alaska
907-274-9058
kelly@iccalaska.org
Cassandra Elliott
ICC Canada
613-407-2642
celliott@inuitcircumpolar.com
1977-mi pigiaqtitaulauqsimalluni, Inuit Ukiuqtaqtumiutauqatigiit Katimajingit (ICC) Nunarjualimaami Katujjiqatigiinguvut Nunaqaqqaaqsimajunut, kiggaqtuillutik Inungnik Alaaskami, Kanatami, Kalaallit Nunaat, amma Sukatka. ICC promotes Inuit rights and interests at the international level, develops and encourages long-term policies that safeguard the Arctic environment, and seeks full and effective participation and meaningful engagement in the political, economic, and social development of the Arctic region.
ICC-kut pigiaqtitsiqataulauqput Ukiuqtaqtumi Katimajirjuanik Taikanilu Ilaunginnaliqsutik. Nunarjualimaami piliriaksaqarmijuq, suurlu Uqaujjigiaqtiuqataulluni II Nunarjuarmi Katujjiqatigiinut Pivalliajulirinirmut amma Inulirinirmut Katimajinut, Naalaktiuqataulluni Gavamauqatigiit Qaujisaqtinginnut Silaup Asijjiqpallianinganut, amma Uqaujjigiaqtiunginnaqsuni Nunarjualimaami Tariurjuarmi Katujjiqatigiinut, asingillu uqaujjigiaqtiullutik unuqtunik nunarjualimaami katimavigjuaqtunik.