Kisuummata Kamanasuarniq Qanuittuuninginni Atuqtaujunnaqtut Ikajuutinillu Katujjiniujut?

Pinasuarunnarniq makuninga ajjiungittunit nakinngaaqsimaninginni atuinnaujunik katutillugillu ikajuutiit saqqiqtut tamatuminga qanuittuuninginni atuqtaujunnaqtut ikajuutinillu katujjiniujut turaagarijauqasiujjaujuq Katimaniujunik Uumajunit Ajjiunngittunit. Piliriqatigiit Uumajunik Ajjiungittunik Katimaniujunik Uuumajunit Ajjiunngittunit, piqatautittilutit Nunaqaqqaaqtuminirnit, aivaqatiqarlutit Silarjuami Maliganginni tamatuminga Qanuittuuninginni Atuqtaujunnaqtut Ikajuutinillu Maligaliurutiqalirlutit Pijunnarninginni Qanuittuninginni Atuinnarnit ammalu Katujjilutit Ikajuutiuqattaqsimajunik Tamatuminga Saqqiqtunik Uumajuqaqtunit Kamagijaujunik.

Qanuq Qanuittuuninginni Atuqtaujunnaqtut Ikajuutinillu Katujjiniujut Tukiqaqqa Silarjuap Ukiuqtaqtunginnut?

Quttiniqpaangujunik Ukiuqtaqtumi avativut takujaujumaniqsaulirngata tamakki qaujisaqtimmarinnut uumajunillu qaujisaqtinik kampaniujunik pivalliagumallutit saqqiijumallutit ajjiungittunit nakinngaaqsimaninginni sunakkutaarnit ukiuqtaqtumi uumajunnaqtulimaat avatittinniittunik. Tamanna kajusiinnaqtuq qaujisaqtimmarinnut piliriangulutit ukiuqtaqtumi kanataup avatinginni pitaqarngat sivunittinillu qaujisaqtaujunnarajaqtutit.

Suurlu, takujassaungittut uumajuralaat, piruqtunik tamakkua tautauqattaqsimajut ukiuqtaqtumi qaujisaqtinut nutaarnit takujumammata sunakkutaanguniaqtunik ikajuutiqarunnaqtunit aanniasuuqtiujjutaulutik uvvaluunniit uunaluanngigunnaqtunit sunakkutaarnit qaujisarlugit.

Summat Qanuittuuninginni Atuqtaujunnaqtut Ikajuutinillu Katujjiniujut Pimmariuva Nunaqaqqaaqtuminirnut Nunalinnullu Asinginnut?

Qaujisarniaqtillugit ukiuqtaqtumi, qaujisaqtimmariit ujararniaqtimmariillu katimaqatiqaqattarngata tukisigiarutinik nunaqaqqaaqtumininniinngaaqtunik nunalinnillu qanuq Atuqtauqattasuunginni Tamakkua Atuinnaujut.

Suurlu, Qaujimajatuqanginni pijausimajut nunaqaqqaqqaaqtuminit mamisaqtinginni ikajutiqarunnaqtut qaujisaqtimmarinnit tukisitittikannirluni qanuq atuqtausuungummangaata tamakkua Atuinnaujut Kamagijauniaqltillugit Nutaangulirlutit aanniasuutiunirmut. Tamanna, qaujimajatuqanga tamanna attuammat nakinngaaqsimaninginni atuinnaujut ammalu ilagillugit kajusiinnarniaqtumit qanuittuuninginni atuqtaujunnaqtut ikajuutinillu katujjiniujut uqausiuqattaqtut iluani Katimaniujunik Uumajunit Ajjiunngittunit.

Angiqtauningit sivuninganni tusaqtittilauqtillugit angirutinganni nunaqaqqaqtuminirnit ammalu Nunalinni Qaujimajatuqanginni pijunnaniqsaugajaqtut qaujisaqtit taimaittunit nakinngaarninginni atuinnaujunik qaujisarumajunik nunalinniinngaaqtunit qaujimaninginni tusarlutit. Taimaak piliriqatigiit Katimaniujunik Uumajunit Ajjiunngittunit piliriqatigiittut nakinngaaqsimaninginni atuinnaujut ammalu qaujimajatuqangit ammalu qaujinasuarlutit angiqtauningit tusaqtittilauqtillugit angirutinganni angiqtaugialiit ammalu kikkunnuugajaqqa?

Qanuittuuninginni Atuqtaujunnaqtut Ikajuutinillu Katujjiniujut pimmariummijuq atuqtaugunnarajarngat makimajjutissauluni inulirinirmullu Ukiuttaqtumi. Amisunngittuugaluat uuttuutiujut qanuq nunalik gavamakkullu aturunnarajarmangata qajiusarvimmit, pivallitittinirmillu nunanit aulattinirmit, paqqittinirmit Qaujimajatuqaujunik, ammalu tamakkua Ukiuqtaqtumiutarnut ikajuutiqallarikkajarngata ammalu sanasimaninginni Atuqtaujunnaqtut Ikajuutinillu Katujjiniujut piliriariniaqtanginnut.

Qanuittuuninginni Atuqtaujunnaqtut Ikajuutinillu Katujjiniujut Kanatami

Qaujisarniq ujararniarnirmut Ukiuqtaqtumi, qaujisarnirmit pivalliatittinirmillu qaujisarnirmit ikajuutaujunnaqtunit aivajjutaujut Atuqtaujunnaqtut Ikajuutinillu Katujjiniujut. Kanatami taimaittunit pivalliatittigumammata qaujisautiugunnaqtunik ullumilisarnut uajamuuqtunik aturlutit ammalu sunakkutaat ikajuutiqarajaqtutit inulirinirmut tamakkualu kamagijaugialiit ikupittulirinirmullu atuttauttiarunnarluti silarjuami uumajunik qaujisarnirmit ajjigiinngittunik.

Assuruutauvattut Kanatami taimailluatittigasuarluni pivalliatittinirmit tamakkuninga atuqtaujunnarlutit nakinngaaqsimaninginni pitaqariiqtut ammalu taimailluaqtunit katujjigunnarlutit ikajuutinik, paqqisinnaarlugu avativut, inuliriniq niurrutiqarnimullu pijaujumajunik.

Atuinnautittijiulluta (nakinngaaqsimaninginni aturassaujut) nunalirjuami, Kanata piliriqatiqariaqaqtuq piliriassaujunik aulattigunnarlutit tamakkuninga pivaallirutaujunillu pitaqarluni paqqittijjutaugajaqtunik pijaujumajunik tigumiaqtiuqataujunik ammalu nunaqaqqaaqtuminirnit

Isumaginasuarlugit anginiqsaujut makua qaujinasuarlugit Kanatamiup pijumaninginni ammalu qanuq piuniqpaangugajaqqat paqqittiniarluni, Kanatami silarjuamilu. Tamakkua pijjutigillugit, Kanataup Gavamakkungit piliriqaqtiqaqtutit kanataup avittuqsimaninginni ammalu Kanataup ukiuqtaqtunginni gavamakkunginni maannaruluk saqqiirataalauqtut Kanatami Atuqtaujunnaqtut Ikajuutinillu Katujjiniujut piqujaliuqtutit nalunaiqsinasuaqtutit takunnaqtanginni Kanataup pijumajanginni tamakkuninga pivallianirmuungajunik qanuittuuninginni Atuqtaujunnaqtut Ikajuutinillu Katujjiniujut piqujanginni.