Juuni 1, 2021 – Aankurits, Alaaska − Inuit silarjuami Ukiuqtaqtumiinguqatigiit ajjiungittutit katinngammata nunaqaqqaaqtuminiit Kanatami attuqtainnaummata saqqiqtaurataalauqtumit inuugunniiqtuminirnit 215−nik surusirnit Nunaqaqqaaqtuminirnit nanijaulauqtunik nalunaikkusiqsuqsimanngittunit iluviqtaminirnit ilinniariarviulauqsimajumit ilisavimmi Kaamlummi, Puritis Kalampiami.
Nanivaurataalauqtillugit taikali ilinniariarviulauqsimajumit Allanut (Tk’emlúps te Secwépemc) quaqsallarilauqtut qissaaliqtutillu silarjuami kikkutuinnait. “Katinngalluta makitavugut nunaqaqqaaqtuminiujutigut kanatami silarjuamilu quaqsanaqturjuaraalummi qallunaanut pijaminirnit,” uqalauqtuq Maanika Ialkanajuq Angijuqqaaq Inuit Ukiuqtaqtuminguqatigiit Katimajingit. “Tamanna taaqtualuk Inuusittinni qanuigutiminiujuq Kanatami maanna atuqtavut. Sulijut maminarasuarnimullu piliriangujut nalunaiqsisimammata atuliqusimajamminik titiraqsimajuqariaqarninginni Taimaittunik, assurunnaqtualukkuurniaqtugut maanna mamisarasuarluta aaqqiiusanasuarlutalu. Tamanna uaqsanaqtualuk pivalliajukkuuqtaulauqtuq nalunanngiqtuq aanniajjutinik saqqiikannilauqtuq taikkunanngat ilinniariaqtitaulauqsimajuminirnit.”
Nanijaulauqsimajut pinasuarusiup nunnguani Mai 22−ngutillugu ilagijaujumut Allamut (Tk’emlúps te Secwépemc) Puritis Kalampiami qinilauqsimammat atiliuqsimanngittunit iluvirnit taikani.
Inuit Ukiuqtaqtuminguqatigiit Katimajingit Issivautanga Tali Sapu Turuu uqalauqtuq, “Nalligittiaqqavut Allait taikua (Tk’emlúps te Secwépemc) nalunanngillarittuq quaqsaarnaqtukkuukannilirmijut nanisijuqalauqtillugu. Qaujimaniaqqusi inunnut nangiqataugassi assurunnisinni sulijunillu tusarumanissinni qanuinnirmangaata. Ikajuqtuivugut nilliqtutalu Kanataup Gavamakkunginnu kiinaujaqaqtitauqullugit qinikkannirialinnik asinginni surusirnit jagasimajunik ilinniarviuqattaqsimajuni Kanatami iqqaqtuivitiguuqtaullutillu, tamanna isuliqulirlugu, Nunaqaqqaaqtumirnut Nunalinnut atuqtaujuq. Ikajuqtuivugullu Issirarjuap Angijuqqaanga Puraansas mamiaqullutigu ilinniariaqtitauqattarnikullu Kanatami, saqqiilutillu Issirarjuap Titiqqaqutinginni kikkuuninginni nalunaiqsigutaugunnaqtunik surusirnit iluviqtaminirnit ilinniarviulauqsimajumit kamluummi, ammalu asinginni ilinniarviuqattaqtuminirnit Kanatami namituinnaq.”
Angijuqqaaq Inuit Ukiuqtaqtuminguqatigiit Katimajingit, ᕼjalma Tal uqalauqtuq. “Ilagiittiaratta nalligillutigullu taikkua ilaminingit nunaqaqqaaqtulimallu Kanatami tamatuminga saqqiijuqalauqtillugu. Tukisijunga amisurjuaraaluk ilinniariaqtitauqattalauqsimammata kanatami. Tamanna iqqaqtuivitigut aniguqtitauqujaraluavut ilaminnut, sulijunillu saqqiilutit qanuittuminiuninginni.”
Jimi Sikaat, Angijuqqaaq Inuit Ukiuqtaqtuminguqatigiit Katimajingit Alaaskami ilasilaurmijuq, “Quaqsaallarilauqtugut tusaratta tamatumingaaluk uummativullu ilattinnungajuq angijukuluttinnut/nukattinnu najattinullu Kanatami.”
-30-
Tukisigiarviujunnaqtut:
Kali Ininnguaq ICC (Alaaska) +1 907-274-9058 kelly@iccalaska.org
Tukuminnguaq Nikja Uulsan ICC (Kalaałiit Nunaa) +299 52 62 10 tukumminnguaq@inuit.org
Sitipani ᕼannuri ICC (Kanata) +1 613 668 1923 type88@post.com