Ankurij, Alaaska – Tisipiri 7, 2021 – Inuit Ukiuqtaqtumiuqatigiit Katimajingit (ICC−kut) piqataujuminiit qaritaujakkut katimanirmi Nunarjuami Tariurmiutalirijit Timiqutingit (IMO−kut) Tariurmiutait Avatinga Saputijauninginnut Katimajiralaat (MEPC−kut) 77 katimaninginni pinasuarusiujujumi pimmariujunit isumaaluutaujunit attuinirluttunit Ukiuqtaqtumi uqaqatigiigutautillugit. Sivulliqpaullutik nunaqaqqaaqsimajut timiqutaujut atukainnaqtillugu qaujigiarviugunnaqtut pijunnarniqaqtitaugutingat IMO−kuni, ICC−kut ajjiqangittunik isumagijaujunit savvaivut taakkununga uqaqatigiingniuvattunut tunngasuttitsillutillu nutaanit piliriqataunirmut nangminiqaqatauniaqtunit.
“Isumaaluutauningata angininga malitsuni IMO−kut pilirianganit Galaaskumut Angiqatigiingutiup tamakkua pimmariujut sivumuagutauvalliajut mikillivaalliqullugu sururnaqtut nunarjuami usikatarniq pillugu tikiutigasuarlugu 1. 5°C−nillasunniuqujaujuq angiqatigiingutimininiq COP26−mi Sila Katimajjutautillugu. Tamanna piqasiujjigajaqtuq atiliuqtauninginnit taakkua Taaka−Galaasku Angiqatigiigut,, Kamaitpaangk Angiqatigiigut, ammalu taanna Angiqatigiigut Pitaqarunniikullugu Sururnaqtut Siammapattuq Usikattanikkut Mitsitinni 2050 pumurlurmit gaalaliimiingaaqtumit (GHG) mikillivaalliqtitaulutik nunarjuami usikatanniuvattunut. ICC−kut ugguarijaqaqtut angiqsimatsiarniq, siammapallianginnaraluaqtillugu ikajuqtuqtauniq mikillivaalliqtitsigumaniq pujurlunnit mitsitinni 2050 ikajuqtuqtauningittuq. Kisianili, qitirailiqpat−qaujisarumaniit nungutirivalliagasuarnirmut pujurlunnit – piqatisiutilugik tamakkiik pumurluniingaaqtut ammalu uqsaalummik – uqaqatigiigutiqaqsutik pigiakkanirumallutik 2022−mi uqausiminiq kinguningani” uqaqtuminiq Talii Sampu Tuaruu, ICC−Kut Iksivautangat.
Qiniqtaq pujurluit, qaujimajaujut isumaaluutaulluni Ukiuqtaqtumi silamik asijjiivallianiqarninga, uqaqatigiigutaunnirmijut angiqatigiingutaulluni aaqqigiarigutitsamit tamatumunga qilamiujumik, isumaqsuutauluni, ulurianarunnaqtut suruivalliajullu uqsualummut salummaniqsanit atungaarnirmut. Tamanna atuliqujaliangusimajuq pillugu IMO−kunnut ilaujjutiliit tukisinaqtumik tusaqtitsijuminiit attuinirlunninginnit Qirniqtaup Pujurluup piqataullutillu usikattaqtiit pijaksaqaqasiutiningat tamanna mikillivaallitillugu. ICC−kut uqariaqasiutinnirmijut inimita miksaanut Inuit nunalillatuuniqsaniittut akiliijariaqanngimmata salumaniqsamik uqsualuqariaqtuqarniaqpat.
Ikajuqtuqsugu ICC−kut piliriningit, Jimi Nuak, Saalaman Ailanmut Tugliulluni Titiraqti, Pilirivingat Atuqtuksanut Pivalliatitsinirmut, uqaqtuminiq katimanirmi, “Qikiqtallatumiut pivallianingit nunalirjuani (SIDS) taimaattauq Saalaman ailan atuqtangit isumaaluutaujut attuaniliit silaup asijjirninganut ilaliutivugullu Ukiuqtaqtumi qatanngutittinnut tuksiraqsuta aulajjagiarutauqullugu maannatsautigi nungutirlugit pujurluit uqsualuksait ammalu qiniqtuq pujurluk nunarjuami usikattaqnirnut.”
Liisa Qupirrualuk, ICC−kut Kanatami Tuglia−Angajuqqaap Nunarjuamut, uqaqtuminiq, “ICC−kut kajusijut ikajuqtuinirminnik surraittuuqujiniq Ukiuqtaqtumit. Ukiuqtaqtumi usikatanniuvattuq atuqtuksanit ukiuqtaqtumut pijariaqarninganik ukiuqtaqtumi nunalinginni ammalu 90−pusangit nunarjuami tauqsiinirmuungajut umiarjuakkuupammata tamanna pillugu iqqanaijaqatiqariaqaqpugut namminiqaqataujunit pivaallikanniqullugu avatiup saputijauninga. Sapujjiniq Ukiuqtaqtumi tariurmiutanit avatingani ammalu niqiqariaqarnirmut isumaaluutauniqpauvuq”.
ICC−kut tavvuuna qaujigiarviugunnaqtut pijunnarniqaqtitaugutimigut sivuniqatsiarutigijaat iqqanaijaqatiqarnianirminnit ilaujjutililimaanit piluaqsugit taakkua qikiqtallatumiutait uqaqsimajuqaqtillugu sururnaqtut inuisalliqujaullutik malitsugu attuinirluttailijariaqarniq tamakkuninga attuqtaugunnaqtunit nunalirjuanit ammalu inuit nunalinginnit.
-30-
Qaujigiarviksat:
Kiali Ininguvuk ICC (Alaaska) +1 907-274-9058 kelly@iccalaska.org
Tukumminnguaq Naikjai Uulsan ICC (Kalaałłiit Nunaa) +299 323632 tukumminnguaq@inuit.org
Sitiivan ᕼIanturi ICC (Kanata) +1 613 668-1923 type88@post.com