Nuvipiri 23, 2017 – Kuupanᕼaigan, Tanmaak; Nuuk, Kalaałiit Nunaa; Iqaluit, Nunavut − Inuit Ukiuqtaqtumiuqatigiit Katimajingit Pikialasursuaq Tilijaujjutigisimajanginni saqqiiqujivut Inunnit − nalunaiqtausimalutit, Inunnut aulataulutit paqqijauningit piruqtunik piqqusirnillu ajjiungittunit uqausiuvattunik Kanatami Kalaałiit Nunaanilu quttittumi, ammalu uqakkaniqtutit isumaqsurninginni Inuit uattiarurnisaulauqsimajumit nunalinni ullumiujurlu nunalirjuanit.
Pikialasursuaq Uannangani Kalaałiit Nunaani atiqaqtuq Ukiuqtaqtumi Imanga Aukkarnilik − uattiarurnisatuqaaluk imaq sikugunnangittuq niqittiavalialuk imavimmiinngaaqtunik anurimit taikaniinninganni Tilijaujjutiliit Kamagiullutit Inunnut Kalaałiit Nunaanimiutarnut Kanatamillu, ammalu sivulliqpaami unikkaaliulauqtutit, “Inuit Sikuit Aqqutinganni: Sivunittinni Pikialasursuaq“ http://pikialasorsuaq.org atuliqujaminik titiraqsimajut piuqsuanirmit aulattigunnanirmillu tamatuminga:
• Aaqqiilutit aulattinirmut maligaugajaqtumi kamagijauluti Inunnut kiggaqtuijiqarlutit nunalinni Pikialasursuarmit.
• Katimaqatiqaqattarlutit nunalinni qanittumiittunut Pikialasursuarmut, nalunaijailutillu paqqijauqujanginni aukkannilirmi ammalu anginiqsanit nunanganni attuiniqaqtunit katinngajanginnillu nunalinnut, nunamittunillu aukkannilillarimillu. Tamakkua qaujisaqtaunginnaqattarlutit aulataulutillu inunnut angiqsimajunit piliriqataujulimanut ammalu ilisarijauttiaqsimalutillu gavamakkunnut
• Inunnut isumaqsuutauluni upattaugunnaqattarluni taanna Pikialasursuaq
“Inuit Ukiuqtaqtumiuqatigiit Katimajingit Pikialasursuaq Tilijaujjutigisimajangit pigialauqsimajuq nunalinni unikkaaliarisimallunigillu ukua. Pikialasursuaq Tilijaujjutigisimajanga pivalliajausimaliqtuq taunanngat pigiarlutit qummuapallianiaqtutit nalunanngittuq inuit Pikialasursuarmiittut aulattigumammata tamatumingama,” Ukaliq Ijitsiaq uqaqtuni, Issivautaq Inuit Ukiuqtaqtumiuqatigiit Katimajingit
“Kalaałiit Nunaani Kanatamilu Katujjimmata piujurjuaraalummit. Tusallarilauqtugut Inuit nunalinni attuajunut pikialasursuarmut pigiarumalirngata paqqittilutit kinguvaattinnut. Inuit nunaliit qanittut Pikialasursuarmut piqataujumammata aulattininginni qaujisainnarninginnillu tamatuminga ajjiunngittumit uumajunik Ilisaqsisimammata tamakkua nirjutiit timittiarittualuummata attuaninginnullu pikialasursuarmut,” uqaqtuni Kuupik Kalaits, Kalaałiit Nunaani kamisanu ammalu Angijuqqaangulauqsimalluni Kalaałiit Nunaani.
Tilijaujjutigisimajanginni ikajuqtuqtaujumasimajut gavamakkunni atuliqtittilutit atuliqujausimajunik unikkaarnit. “sanngiliriinnik gavamakkunniinngaarialik pimmariutigininganni takujauniaqqat tamanna inunnit namminiq kamagijumajanga aulagumajangillu nunangit imangillu. Tilijaujjutiusimajuq ammalu Inuit Ukiuqtaqtumiuqatigiit Katimajingit ajauqtuivut Gavamakkunni Kanatami, Kalaałiit Nunaani ammalu Tanmaakmi piliriqatiqaqullugit inunnit saqqiilutillu piuttiaqtumi sivuniqattiaqujaulluni Pikialasursuaq Inungillu,” uqaqtuni Iiva Aariak, Kanatami kamisana, ammalu sivuliqtiulauqsimalluni Nunavummi.
Pikialasursuaq Missaanut
pikialasursuaq, uvvaluunniit “Saqqiqtiaqtualuk Piujualuk”, anginiqpaangummat Ukiuqtaqtumi aukkarnilik ammalu uumajuqarniqpaangulluni tamanna imarmiutarnit Ukiuqtaqtumi Silarjuap kajjinganniittuq. Pikialasursuaq ilisarijausimajuq Inunnut kinguvaariigalaalunnut uumajuqarviummat, nunalinnullu qikiqtaalummi avanirsuarmillu tatiqaqattaqtut aukkannilirmit piruqtuqaqattarningannut. Pikialasursuaq pillarialuujuq timmianut amisunut nunalinnut asinginnullu pijauvattunut. Nirjutiillu ukiuqtaqtuup imanganni nirivattunut aukkannilirmi tamakkuninga tuugaalinnik, qilalugarnit, iqalunni, auknit, mitirnit naujarnit, asinginnillu (kittiwakes), nattirnit, ujjunnit, qairulinni asinginnillu imarmiutarnit makualu nanuit tamaani niqissaqsiuqpattutit.
Maannaruluk arraagugalauliqtunik, ukiuqtaqtumi tamanna sikilik Kain Imanganni (Kane Basin), Niulu (Nares Straight) ammalu Simitmi (Smith Sound) (ikiq) piviunnginiqsauqattaliqtuq ammalu aukkannilingalu uqausiunnginiqsauqattaliqtuni. Tamanna pijjutiqaqtuq asijjirninginni, anginiqsatigu sila asijjirninganni taijausimalluni amisunit namituinnaaqtuq ukiuqtaqtumi, kisianili qaujimajaullarinngittut.
Tiliujaujjutiusimajuup Missaanut
Pikialasursuaq Tilijaujjutigisimajanga pilianguqujaulauqtuq Inuit Ukiuqtaqtumiuqatigiit Katimajinginnut katimaqatiqarlutit nunalinni nunavummi ammalu Kalaałiit Nunaani qanigijaqaqtunut Pikialasursuarmit.
Kamisanait katimaqatiqaqtutillu nunalinni avittuqsimajunillu tusarumallutit, aaqqiigumaninginni Inuit Qaujimaninginni, ammalu atuliqujillutit Inunnit parnautinik attanaiqtauqullugit, qaujisaqtauqullugit aulataulutillu tamanna piunialua Pikialasursuaq kinguvaattinnu atuqtauqullugit. Katimatittilauqsimajut Kanatami Inuit Nunalinginni (Ausuittuq, Qausuittuq, Ikpiarjuk, Mittimatalik, Kangiqtugaapillu) ammalu Ukiuqtaqtumi Kalaałiit Nunaani nunaliit (Siurapaluk, Qaanaaq, Tavissivik, Kullursuaq, Nuussauq ammalu Upirnavik).
Pingasunut kamisanannut aulataulluni:
Silarjuamut Kamisana Ukaliq Ijitsiaq (Issivautaq Inuit Ukiuqtaqtumiuqatigiit katimajingit
Kanatami Kamisana Iiva Aariak (Sivuliqtiulauqsimajuq Nunavummut) ammalu Kalaałiit Nunaani Kamisana
Kuupik Kalais (Kalaałiit Nunaani Sivuliuqtilauqsimajuq)