Press Releases

Documenting our Progress

Donate to ICC

ICC Alaska

ICC Greenland

ICC Chukotka

Inuit Ukiuqtaqtumiinguqatigiit Katimajingit Issivautaq Kamajut Ministait Aippanganni Ukiuqtaqtumi Qaujisarnirmit Ministait

Utupiri 26, 2018 – Puuli, Juumani – “Ilisarijauninga ammalu uppirijauningit nunaqaqqaaqtuminiit pijunnautingit, qanuilingalirningit maanna ammalu piliriarijariaqarningit Ukiuqtaqtumi takunnaqtaujariaqanngittuq ulurianarninganni gavamakkunnut, kisianili, aulattijjutittiavauninganni sulillarittumillu piliriqatigiigiaqarninginni kajusiniaqqata piliriarijumajaminik attanairjuumilugu Ukiuqtaqtuup avatinga inuit pijjutigillugit” Tamana ilagijaulauqtuq amisunillu uqausiujunik Inuit Ukiuqtaqtumiinguqatigiit Katimajingitta Issivautangannut, Tali Saampu Turuumut, uqausirijanganni aippanganni Ukiuqtaqtumi Qaujisaqtulirinirmit Ministanit Ullaangujuq.

Tuuru uqakkaniqtunilu Ministait kiggaqtuijut 29−nit nunalirjuani ammalu Tariup Akiani Nunalirjuanit, Nunaqaqqaaqtuminirnit uqausilluataummata asijjipallianinganni Ukiuqtaqtuq. Inuit Nunalingit sivulliqpaangullutit takuqattaqtut atuqpattunigillu asijjirutaujut ammalu nalunaijaqsimattiaqtunit unikkaaqattaqtutit qaujimanialunginni tamakkuninga Ukiuqtaqtulirinirmuungajunik.

Inuit sivulliqpaattiangullutit attuqtauvattut amisunut asijjirutijunut. Suurlu, surunnaqtutanit saqqiqtanit, atuqtauvattunit qallunaaniinngaaqtunik, akunimut ingirrajut uumajurnuuqaqtutit Inuit nunanginnu ammalu niqigiqattaqtanginnuuqqaqtutit nunaminngaaqsimajunik imarmillu.

Tamakkua asijjirutijuit attuiniliit Inuit niqissaqarninginni, angillillutillu attuaninginni inuit inuusinginnut, nirjutinut piruqtunullu; tamakkua qanuittuulirningit timittiarinasuarninginnillu inuit nunanganni, imarmit, silangannillu; ammalu piqqusinginni attuillutit ilagiqasiutillugulu inuit uqausingit, piqqusingit atuqtangit, inulirinirmillu. Inuit annassimamma inuunasuaqtutit Ukiuqtaqtumi ajjiungittumillu ilitturunnattiaqtutit pijunnarninginnillu parnautiliuqpattutit namminiq nunaqqatigiittutit ulumiujuq taimak pilirisimajut aaqqissuivallianginnaqtut. Taimaikkaluaqtillugu, ilikkannirunnaratta ilitturunnarluta tigusivallialutalu tamakkuninga ingirrajjutinginni Inuujjutinginni.

Turu uqalaurilluni tamakkua uppirijaujut piliriqatigiinnikkut Nunaqaqqaaqtuminiit nunalinginni takujausimajunik qaujisaqtaunginnaqtunillu pitaqarlutit qaujisarlutillu. Kajusiniarutik nunaqaqqaaqtuminiit qaujisarnimuuriaqaqtut tukiqattiaqtunillu kamalutit aturlutit Nunaqaqqaaqtuminiit Qaujimaninginni. Ukiuqtaqtumi qaujisaqtimmarinnut ministait ullumi pijariirniaqtut Atiliuqatiqarlutit Ministaujunik Asinginni Uqausinginnut Malillutit.

The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.