Mai 28, 2018, Nuuk, Kalaałiit Nunaa Pikialasursuaq Tilijaujjutigisimajanga Katimatittijut silarjuami ilinniaqtutit katilaaqtut tamaani 30 – 40 kiggaqtuijiit Pikialasursuarmit, inuit katujjiqatigiinginni, qaujisaqtimmarinnik, Gavamakkunni Kiggaqtuijinik Kalaałiit Nunaaniinngaaqsimajunik. Kanataup Gavamakkunginni ammalu Gavamaunngittut Katujjiqatigiinni.
Pingasunut ullunut ilinnialauqtut Kamisanaillu unikkaanganni tusaallutit “Inuit Sikumiut − Sivunivut Pikialasursuarmit”, ammalu pivallialutit kamisanaup atuliqujanginni nunalinni pilirittiarlutit imarmiutarnit katujjanginni. Piqataujut imainniaqtut, asinginnillu, qimirrulutit naliiraarutissanik pikialasursuarmit aulataugunnarninganni qaujisaqtauqattainnarningannillu, piuqsuaqattaqulugit saqqijaaqtittiqulugillu nunalinni ilagijaulutit qaujisaqtimmariit qaujisarninginni. Piqataujut uqausiqarniaqtut parnautissanik turaaqtunik ingirraqattaqujaungillutit inuit qanigijanginniittut nunalinginnut qanittumit Pikialasursuarmit.
Ilinniarninginni takunnarniaqtut piliriqatigiiqattarlutit Inuit inuunasuarninginni ammalu tigumiaqtiuqataujut. Tilijaujjutigisimajangani ilinniarniq kajungiqsaikannirniaqtussauvuq qaujisaqtimmarinnit (ilinniaqsimajunik timiujunik ammalu gavamakkunni qaujisaqtiuvattunik) qimirrukanniqullugit qanuq Ukiuqtaqtumi nunaliit pivallianiarmangaata qaujisarlutit ammalu ilaliujjauqattarlutit nunalit qaujisarnimir Pikialasursuarmiittunit.
Katujjaummata tamanna Kanatami Kalaałiit Nunaanilu, Pikialasursuarmit anginiqpaallariummat Ukiuqtaqtumi aukkannilik (arraagulimaaq imaunginnaqtuq) piruqtuqarniqpaangulluni irniurviuvattunilu Ukiuqtaqtumi Silarjuap kajjinganni, najuqtauvattuni timmianut ajjigiinngittunut (imarmiutarnut timmiat, tuugaałiit, ukiuqtaqtumi uugarnit ammalu nattinit) Inunnut tamakkua pinasuttaunginnasuungullutit.
Tamanna aukkannilik suurlu aqqutaummat sikukkut, taikunu Ausuitturmiut Qikiqtanga pingannaqpasinganni Kalaałiit Nunaani aqqusaaqtarviuvattuq Inunnut 1000−nginniittunut ukiunut atuqtauliqtuq. Pingannanganni sikunga sanniqsauliqtuq aturassauluarunniiqtuq − uunaqsivallialiinnalirningannut ukiugasarnut, aukkannilik sikuqaqattaqtuq ammalu maanna sikuinnarunniiqtuq sikugajusuunguninga ukiukkut. Tamanna asijjipalliallarittuq, attuajuq sila asijjipallianngannut takujauliqtuq tamanna asianit Ukiuqtaqtumillu, kisianili qaujimajaullarinngittuq.
Tamannauninga qaujisaqtaujumallarittuq qaujisaqtimmarinnut Taimannganialuk 1800-nginni. Inuit tamaanimiutausimajut, ingirrasimajut uumajurasuqattaqtutillu 100−nginniittunit ukiunit Tamanna ilinniarniq nalunaiqsiqujiniarngat piliriassaujunik aulataujjutissanut naliiraarutissanik nunaliit qaujimaningit katiqsurlugit, Gavamakkullu, qaujisaqtimmariillu qaujisaqtingit ammalu Gavamaunngittut Katujjiqatigiit nilliaqatigiinnikkut ammalu ikupittulirinirmit aulattigunnarlutit tamatuminga.