Mai 12, 2017 – Viupaaks, Alaaska – Inuit Ukiuqtaqtumiuqatigiit Katimajingit Issivautanga, Ukaliq Ijittiaq Uqalauqtuq Ippassaq Ukiuqtaqtumi katimajingit ministait piupaaksmiittut, “arraani Ukiuqtaqtumi Katimajingit nalliuniqsiulauqtut ukiunut avatinut − tavvani arraagumi Inuit Ukiuqtaqtumiuqatigiit nalliuniqsiulaalirmijut ukiunut 40−nut Ijittiaq uqaqtuni. “isumaqsaqsiukainnariaqaratta qimirrulugit uattiaru qanuittuminiulauqsimajut nakinngaaqsimanittinillu, namunnganittinillu, namunngarniarmangaattinillu,” uqaqtuni.
“Mialigait Nunangannimiut assuruqsimammimmata sivuvaqtittikannirasuaqtutit Ukiuqtaqtuup Katimajinginni nalliuniqsuuqataullutit piliriarisimajanginni” unikkaaqtuni Naansi Qaritaq-Lintiu, Inuit Ukiuqtaqtumiuqatigiit Katimajingit Kanataup Angijuqqaanga. “Mialigarmiut Issivautangit ungavariaqtauniarngata Katimajinut ammalu Piqataunginnaqattarniaqtutit − sivumuappallialluta piqujattinni aaqqipallialluni ullumiuliqturlu, inuit ukiuqtaqtumiuqatigiit katimajingit uppirijaqaqtut mialigarmiut pivallianginnaqtut ikajuqtuivattutit ukiuqtaqtumiutarnit piqujaliuqtillugit issivautauqattarniaqtumut. Tamanna ajjiungittulimmat; atuni issivautait sivumuappalliajut nutaarnit takunnaqtanginni kamanasuaqtutit inuusirisimajaminillu Katimajiuliqtillugit − tamanna piujualuk − nutaarnit taimaak saqqiqtuqasuuq.”
Tisamaujuqtugijauluni Ukiuqtaqtumi timiujuq Mialigait Issivautanga tunngasuttittikanniqtutillu Vinismiinngaaqtunik issivautarmit, Jim Sitaatla Inuit Ukiuqtaqtumiuqatigiit Katimajingit Alaskami Angijuqqaanga atuinnautittilluni. “qaujimagiaqaqtugut tamakkua pilirialimaavut Mialigait nunanganni issijautatigu ikajuutiqallarinniarngata piqataunginnarniaqtillugit Piliriattinni Parnapalliatilluta ammalu naqaqqaaqtuminit qaujimaninginni aturluta ” sikaats uqaqtuni, “Nunaqaqqaaqtuminiit Qaujimaninginni aturluta qaujisaqtimmariillu pijariiqsimattianiqsauqattarniaqtugu piusivaallikannirlugillu piliriangujut Katimajinit.”
“Ukiuqtaqtumi timiujut kajusituinnaquttiaqtavut tukiqarniqsamit Piuniqsaujumit Piqatauniqsaugunnarlutit ammalu piliriqatiqainnarlutit, ilaliutivallialutik pivallualutillu,” uqaqtuni Ijitsiaq.
Hajalmar Tal, Inuit Ukiuqtaqtumiuqatigiit Katimajingit Kalaałiit Nunaani Angijuqqaaq uqalauqtuq imaaqaiqtuni, “Inuit Ukiuqtaqtumiuqatigiit Katimajingit uqaqtunilu pinlanmi assuruqattarngata ikajuqtuinasuaqtutit pimmariujumit Ilinniaqtulirinirmit tigusivallialutillu ikupittulirinirmit ukiuqtaqtuup nunalinginni qaiqujainnarilunigillu ilagijaujulimaat inuit ukiuqtaqtumiuqatigiit katimajingit ilinniaqtulirinirmut Katimallutit 2018−mi Kalaałiin Nunaani.” Taal uqaqtuni, “Isumagituinnarunniirlutigu sivumuariaqaliratta makualu ilakuit saqqiqtigasuarlugit attuangiluarngata qallunaanimiut ukiuqtaqtumiullu nunalit Ajjiungittumit saaqqiigunnaratta atuqtaugunnaqtunik taimailluatittinirmillu piuniqpaangujunik ilinniaqtulirinirmit quliriittunit, pairivilirinirmillu ilinniatittinirmit.”