Julai 17, 2015 – Aatuaa, Antariu – Inuit Ukiuqtaqtumiuqatigiit Katimajingit, kajungiqsaqtaugutiqaqpuut qaujigiaksaq taa kkua tallimat ukiuqtaqtumi sijjangit (Kanata, Rasa, Mialigait Nunangat, Tianmaak ammalu Nuaui) angiqatigiinnirmata atiliurnianirmik nuqqangatitsinirmut kiinaujaliurasuarutiqarluni iqalulirinirmut Qitiqsipasiani Ukiuqtaqtumi Tariumi. Taanna angiqatigiingut titiraqtaminiq arraani Nuukmi, Kalaałiit nunaani, kisiani atiliuqtaulauqsimanningittuq. Ukaliq ijitsia, Inuit Ukiuqtaqtumiuqatigiit Katimajingikkut Iksivautangat uqaqtuminiq, “Inuit Ukiuqtaqtumiuqatigiit Katimajingikkut ikajuqtuijut ujjirusugiarnikkut pinasuarutaujumik ammalu kajungiqsaqqavut asingit nunaliit maliqullugit tamaksuminga sivulirutaujumik atiliurlugulu angiqatigiigut”. Inuit Ukiuqtaqtumiuqatigiit Katimajingikkut kiggatuqtauqattaqsimammata uqaqatigiigutaujunut taakkununga sijjalinnut nunalirjuanut atuinnautitsinniqsutillu Inuit isumagijanginnit tamatumunga pivallianiujumut.
Angiqatigiigut tuksiraqtuq nuqqangatitsinirmik kiinaujaliurasuarutigilugu ikalulirinirmik nunarjuami imarni tamaaniittuni taakkua tallimat Ukiuqtaqtumi sijjalinni 200-mailinit (320-kilaamitait) killiqaqtitaujut kiinaujaliurasuarviksait killiliuqtausimajut nuqqangatitait qaujisaqtaukannilauqtinnagit Iqaluit amisuuningit ammalu saqqiqtitaunginningani ikupivvilirinirmut aulatsinirmut kamajiuniq piqasiujjijut Inuit piqqusituqakkut qaujimaninganik, “sikuqattarunniirniq amisuni arraagunik ammalu akuniuniqsaq sikkugasuaqattalirniq qutsittumi Ukiuqtaqtuup imanginni pijjutigillugu silaup asijjirninga tavvani nunami piviqarutauliqpalliamat qaujimananngittunut umiarjuanut ammalu suraigunnaqsuni avatimik. Uqanngittugut qipilunnirarluta kiinaujaliurasuqarutiqarnirmik iqalulirinikkut qaujisatsiangaarumavugulli, naalallugit Inuit naammaniqpaaqtigullu qaujisaqpalluta”, uqaqtuminiq Jimi Sittaats, Angajuqqaaq, Inuit Ukiuqtaqtumiuqatigiit Katimajingikkunnut (Alaaska).
Angiqatigiigut piviqaqtitsigajangittuq umiarjuanit taakkununga tallimanut Sijjanginnut Nunalirjuat Imaaqtitsiqattaqunagit nuliaminnit tamaani qitiqsipasiani ukiuqtaqtumi tariumi iqqanaiqtaunginnilimaangani killisiniaqtaunirmut qaujisarniq iqaluit amisuuninginnik qanurlu ikupivvilirinikkut anngutauqattarunnarmangaata. “Qanuingisiaqtut ammalu amigangittut Iqaluit pijariaqallarimmata piqqusirmut, niqitsiavauninginnut ammalu kiinaujaliurasuarnirmut atuqtautsiarningit nunalillatunut inuusirijaullunilu tamanna Inunnut inuusiqarviummat kuuttut miksaanni sijjanilu. Inuit tunngasuttitsigutigilauqtanga tamanna uqausiujuq piqqusituqakkullu qaujimaniqarmata tamakkua iqaluit miksaannut innimigutiginagillu asinut pijauppata.” uqaqtuminiq Tuain Simis, Angajuqqaanga, Inuit Ukiuqtaqtumiuqatigiit Katimajingikkut (Kanata). Ukiuqtaqtumi nunaliujut nuqqatitsigunnangikkaluatqtillugit umiarnit Sainamiinngaaqtumik, Japaan, Nigiqpasiani Kuriijaup ammalu Tariup Akisni Katujjiqatigiimik itiqtittaililugit tamaunga ukiuqtaqtumut niriugutauvuq angiqatigiigut atuaratsauningani. “Tamanna pigiarutautsiaqtuugaluaq maligaqtigut naqijjusiqsimajumik nunarjuarmi angiqatigiigutiqariaqaqtugut.” uqaqtuminiq Simis.
Inuit Ukiuqtaqtumiuqatigiit Katimajingikkut katimatuinnaqsutik katimaningani Inuuvimmi, Nunatsiami arraani Inuit sitamaniinngaaqsimajut nunalirjuani (Kanata, Kalaałiit Nunaat, Sukutka ammalu Alaaska) Kitigaajuit Uqausirisimajangat uqausiqtalik tuksiraqsimammat nuqqangatitsinirmik kiinaujaliurasuarutigilugu iqalugasuarnirmik Qitiqpasiani Ukiuqtatuup Tariungani ammalu tukimuagutauqullugu, “Inuit Ukiuqtaqtumiuqatigiit Katimajingikkut sivulirninga nipiqaqtitsigutinga qaujisatsiarniqtaqarluni pinasuarutiksaq nunarjuami imaujuni qitiqpasiani Ukiuqtatuup Tariungata ammalu ikajuqtuiningat nuqqangatitsinirmik iqaluit amisuuningit qaujisaqtautsialaunginninginni ammalu ikupivvilirinirmut aulatsiniugajaqtuq aaqqittaunginningani piqatautitsijuq ilautitsijullu Inungnit”.