Tisipiri 6, 2015 – Piuris, Vuraans – Ukaliq Ilitsiaq, Inuit Ukiuqtaqtumiuqatigiit Katimajingita Sivuliqtigijaq Inungnut Katimajaqtuqsimaqataujuvut Katujjiqatigiit Nunaliujut aturatsaliarigasuaqtanganut Katimanirmi Silaup Asijjirninga Katimagutautillugu COP 21 Piurissi nilliajjutilligugugit kiggaqtuillutik Inungnit Titiraqtaugianngaqtuq titiraqtaugiiqtuminiq titiraqtaugiiqtuminiq tunijaullunilu Ministaujunut aajiiqatigiigutaukkanirniaqtillugit pigiarlutik naggajjaumi. Nalunarunniirmat nunalijjuaqtaqaurmat suli ikajuqtuingittunik utuqtauningata uqausiup ilitaqsijuq uqausilik silaup asijjirninganut attuinirlugutaummat pijunnautinginnik Inuit.
“Nunaqaqqaaqsimajut kamajiummata silaup asijjirninganik nunarjualimaami inuillu Ukiuqtaqtumi atuutilirmata qautamaat silaup asijjirnirnga pillugu attuinirlugutinginni. Piuris Angiqatigiigut piqasiujjijarialik nunaqaqqaaqsimajunit titiraqsimajuq pijunnautinginnit nunaqaqqaaqsimajut sivullingutitsijariaqaqpuq aulatsigutigilugulu papallugulu Titiraqtausimajumi 2.2.−mi nunataarutimi maligalirinikkuurlunilu.” aivagutiqarniqpuq Ijitsiaq.
“Nunaqaqqaaqsimajut sivuliqtiit ajuinnarutiqaqsimalirmata akuni titiraqtausimaningit saqqiqtitaujut ilitaqsisimaniqaqullugit pijunnautinginnik Nunaqaqqaqsimajut. aajiiqatigiiniqtaqarningani tavvani pinasuarusirmi, uqausiq pillugu titiraqtausimajuminiq pigiarutinginni matuirutiniittuni angiqatigiigutiup miksaanut maligalirinikkuuqtitausimaniungimmat tamanna, “nunaliqutilimaavut Ukiuqtaqtumi Tariup Akinut Tikillugu aksuruqtitaummata Silaup Asijjirninginnut Ilitarijauniq Sivujuagutaugiarluni Sulijumik Atuliqtitauluni taanna katujjiqatigiinut nunaliujunut uqausiqtangat pillugit pijunnautingit nunaqaqqaaqsimajut ammalu ilitturniq pivalliagutauningitsanullu aksuruaqarutaujunut tavvaniittuinnaulutik angiqatigiigutimi pivaqaviginiarattigu piliriqatigiivvigilugu katujjiqatigiilluta ilusiq iliqqusiq qanuitsiarniq pillugu. Sivulliqtiujugut Sivulilauqta iqqagiiqattautilutalu sivuniksangit inuuqutitta pillugit, nunaliqutivut ammalu silarjuavut.” uqaqtuminiq Ijitsiaq.
“Tiliuqpavut, Kanata, Nuavui, Mialigait Nunangat, Kalaałiit Nunaat, Rasa, Suviitan, Vinlan− Namminiqaqativut Ukiuqtaqtumi Nunalirjuani aqqutigillugit Ukiuqtaqtumi Katimajii − ikajuqtuiqullugit Nunaqaqqaaqsimajunit aivagutigilugulu tavvauningat ammalu timiliit inuit pijunnautiqarninginnil uqausirminnut” uqaqtuminiq Ijitsiaq. “Inuit pijunnautiliit niggasuttumi qiuniarlutik. Ukiuqtaqtuq ajaurijiullarippuq nunarjuami silaup asijjirninganut piliriniujuni. Ilusinga nunarjuap tatiqaqpuq tamaksumunga pijunnautiminik. Sulikkanniq, tiliuqpavut inuit ukiuqtaqtumiutait aulatsiqullugit nunaligijaminit tusaqtitsiqullugit sivuliqtiminnik uqausirilugillu ikajuqtuigutini tamanna atuutitillugu tamatumunga.”
Inuit Ukiuqtaqtumiuqatigiit Katimajingikkut ammalu saami katimajingit tunngasuttitsivut katimajaqtuqsimajunik ammalu inuuqatigiinut Ukiuqtaqtumi ullurijautitaujumut, Tiisavva 8−nguliqpat Nunaqaqqaaqsimajunut Inigijautitaujumi Quviasuutiqarnirmut.