Sitipiri 4, 2015 – illulissat, Kalaałiit Nunaa – The Inuit Ukiuqtaqtumiuqatigiit Katimajingit upigijalik kiggaqtuijinginnik Nanuliriniq Pillugu Nunalirjuanik Kamavattunik (Kanata, Mialigai Nunangat, Kingtamngat Tianmaak (Kalaałiit Nunaa), Rasami Katujjiqatigiit, Nuavai) pigiaqtitausimaninganut piqqusituqakkut uumajut silaqatigiit Attuaqatigiingninginnik Qaujimaniq pillugu katujjiqatigiinnut piliriqatigiitsutik. Taakkua katujjiqatigiit aaqqitsuigajaqtut atuagatsanik pijaksanginnik TEK−kut nanurni aulatsinirmut isumaliurutaujuni.
Taakkua Pilirijiit Nunalirjuat angiqatigiigutiqaqtuminiummijut arraagunut−qulinut Ukiuqtaqtumi Aulajjanirmut Parnautimik piliriqatiqarlutik Inungni qaujimanirmik tigumiaqtiujunik piuqsuaqtauqullugit nanuit nunalingita silataaniittut qaujimagiatsiaqattarlutillu atutsiarlutik anngutaqaqattarniq aulatautsiaraluarmangaaq aulagutitigut saqqiqtitaulutik surraituugutaukkanirniaqtut nanuit amisuuninginnik Inuillu annaumajjusinga nanuit pillugit nannuqattarniarmata sivuniksatinni piqqusirimmauk annaumajjutiqaqsutillu nunamiinngaaqtunit.
Tuain Simis, Angajuqqaanga ICC−kut Kanatami, piqataujut kiggaqtuijijunik Nunavut Tunngavikkut Timiqutinganniingaaqtunik ammalu Inuvialuit Pinnguaqtulirinirmut Katimajinginnik, kiggaqtuijiillu Kalaałiit Nunaaniinngaaqsimajut KNAPK−kut Illulissaatmi piliriqatigiingniarlutik Nunalirjuangujut Nanulirinirmut aulatsigutaugunnaqtunit. Nunalirjuanut Kiggaqtuijut tusaqtuminiit isulaaluutigijanginnit inuit pijjutiqaqtunik aulatauninginnut nanuit Inuit nannugunnarmata pijunnautiqautigillunijjuk anngutaqarniq angiqatigiigutausimajut malillugu nunataarnirmut angiqatigiigut Kanatami ammalu Piqujaummat Gavamanganut Kalaałiit Nunaakalaałiit Nunaanii.
Simis uqaqtuminiq Illulissatmii, “Inuit qaujimaniqatsiarmata nanuit miksaannut, namiinninginnituinnaungittuq amisuuninginnituinnaungitturlu, kisiani qanuq nanuit ilitturmangaata aksururnarninganik silaup asijjirninganut, ujararnianirmik ammalu uummaqutimut qinirnirmut, pilliatitsinirmut, pularaqtulirinirmut ammalu usikattarnirmut.” Simis uqaqtuminiq, “Kiinaujatigut ikajuqsisimagiaqarattigu qaujisaqtuliriniq tukisiniarattigu ulurianaqtut nanurnut piliriqatigilugillu inuit. Qaujimanivut aturlugu kisianiummat nanuit miksaannut piuqsuarunnarajaqtavut tamanna pimmariujuq Ukiuqtaqtumi uumajut isumaliurutigilugit tukitaarutigigunnarajarattigu qanuingitsiaqullugit nanuit ammalu suraittuutillugu annaumajjutivut anngutattigut”.
Press Releases
Documenting our Progress
Donate to ICC
ICC Alaska
ICC Greenland
ICC Chukotka
Inuit Ukiuqtaqtumiuqatigiit Katimajingikkut Upigijaliit Ukiuqtaqtumi Namituinnaq Ilitarijauninganik Piqqusituqakkut Qaujimaniq Nanuliriniq Pillugu
The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.