Mai 12, 2016 – Silarjuap Katujjiqatigiingitta Allakunganni, Nuu Juak – Ukaliq ijitsiaq Issivautarijaq Inuit Ukiuqtaqtumiuqatigiit Katimajinginnut ammalu Jalmaar, Tal, Issivautaup Tungilinga Kalaałiit Nunaanut piqataulauqsimajuuk katujjiqatigiinnik Silarjuami Katimaniujumit Nunaqaqqaaqtulirinirmit Nuu Juakmi pinasuarusirmit tamani. Taakkua Katujjiqatigiinnik Silarjuami Katimaniujumit Nunaqaqqaaqtulirinirmit pimmariummata saqqijaaqtittinirmit uqaqatigiikkannirunnarninginni gavamakkut, Nunaqaqqaaqtuminiillu ammalu Silarjuami Katujjiqatigiit. Nunaqaqqaaqtuminiit nakinngaaqsimatuinnattiaqtuni silarjuami piqataujumaninginni nalunaiqsivut kajusiqujillutit 2030−mi ikupittulirinirmut tugaagaujunik.
“Inuit Ukiuqtaqtumiuqatigiit Katimajingit ilisaqsisimavut Uqausiusimajunik Asinginni ukiuqtaqtumi ilisaqsisimammata pijunnautinginni Nunaqaqqaaqtuminit ammalu nunalirjuat silarjuami atuliqujivut Katujjiqatigiit Silarjuami Nalunaiqsilutit Tamatuminga Pijunnautinginni Nunaqaqqaaqtuminiit” ijitsiaq uqaqtuni. “Kajusikkannirumalluta Kanataup nutaarmit piliriariniarniraqtangannut Nunaqaqqaaqtuminirnit Kanatami, isumaalunaqtuqarngat suli tunngaviuniaqtunik uqausiuqqaujunik ullumiujuq tamatuminga piliriniaqtillugit inunnit asinginnillu Nunaqaqqaaqtuminirnit.”
Jimi Sitats, Issivautaup Tungilinga Alaaskami uqalauqtuq, taakkua “Katujjiqatigiinnik Silarjuami Katimaniujumit Nunaqaqqaaqtulirinirmit piviqaqtittisuungummata Inunnit Alaaskami, Kanatami, Kalaałiit Nunaani, Sikaatkamilu piliriqatiqarlutit anginiqsaujunik silarjuami nunaqaqqaaqtuminirnit taimaittusainnarnit kamajunik.” Uqaqtunilu, “Uqausiurataalauqtunut pijumalikkanirmijunga Kanatamiut Gavamakkunginni atuliqtittinirmit Silarjuami Katujjiqatigiingit nalunaiqsininginni, tamanna piujualuk pivalliajuq inunnut Kanatamullu”
Tanmaak, Kalaałiit Nunaani, Vinlaan, Aislaan, Suviitan ammalu Nuauai uqalauqsimajut Nunaqaqqaaqtuminiit piluaqtumit attuqtaugunnattiarngata silarjuami sila asijjirningannut ammalu ajauqtuqtauniqsauliqtutillu Silarjuap Kisukuttinginni pijunnarninginni atuinnaujunik. Katujjiqatigiit Silarjuami nalunaiqsivut pijunnautinginni Nunaqaqqaaqtuminiit Nalunanngittiaqtut ilisaqsisimammata tamatuminga nunaqaqqaaqsimajut qaujimajatuqanginni, piqqusinginni iliqqusinginnillu atuqattaqtanginni piuqsuaninginni taimailluatittininginnillu. Ijitsiaq tunngasuttittilauqtuq ajaqtukanniqtugillu timiujulimaat, “Kiinaujaqaqtitauqattattiarlutit Inunnut pijunnautiit Nunaqaqqaaqtuminirnuungajunik namituinnaq nunalirjuanit. Ilaliujjauqattarlutit kisiani nunaqaqqaaqtuminiit timiujunik sivumuappallianiaqtut turaagangit Parismi Angirutinganni ammalu 2030 Piliriassaujunik Ikupittulirinirmit.”
Jalmaa Taal uqaqtuni, “Nunaqaqqaaqtuminit aulattigiaqarngata pivallianinginni pingasuujuqtunik piliriassanit Timiujumit ammalu piqatauqattarlutit isumaliurniujunit tamatuminga.” Taal uqaqtunilu “Ikajuqtuikanniqullugit tamatuminga silarjuami kiinaujaqaqtittinirmit piqatauqattaqullugit Nunaqaqqaaqtuminiit Silarjuami Katimavijjuaqtuqaqtillugu uqausiqaqtunit Nunaqaqqaaqtuminirnit, ammalu taimaittut kiinaujat aaqqittaulutit aulataullutillu Nunaqaqqaaqtuminirnut namminiq.”
Ukaliq Ijisittiaq uqasungaqtuni, “Tamaani pinasuarusirmit Timiujut piviqarmijut sivuvaqtittikannirlutit Nunaqaqqaaqtuminirnit, aanniaqtailimajulirinirmit, ilinniaqtulirinirmit, avatilirinirmit ilaliujjiqattanirmillu isumaliuqtuqaqtillugu inuusirminut attuqtauniarninginnut Nunaqaqqaaqtuminit Inuit qilanaattiaqtut piliriqatauniarnirmit silarjuami niriugijaqarniqsaulirlutillu.”
For more information: Carole Simon, ICC Canada csimon@inuitcircumpolar.com P: 613-563-2642