Maajji 23, 2016 – Iqaluit, Nunavut – Pingajuanni Katimatittikannililauqsimajut Ullutuinnarmi, Maajji 18 Viupaaks, Alaaskami Katimajut inuqalauqsimajut 450−nik 30−niinngaaqtuni nunalirjuanit, makualu qaujisaqtimmariit, nunaqaqqaaqtuminillu piqataullutit ukiuqtaqtumiinngaaqsimajunik, ammalu gavamakkunni timiujunillu kiggaqtuijitaqauqtuni. Katimajaqtuqatausimajut uqausiqaqtutit qaujisaqtuqariaqarninganni sila asijjipallianinganni ammalu attuiniqarninganni nunarjualimaamit, ammalu piluaqtumit pimmariuninginni ukiuqtaqtumi ammalu nunaqaqqaaqtuminiit, attuqtausimajunik atuqtaminik.
Inuit Ukiuqtaqtumiuqatigiit Katimajingit Issivautanga, Ukaliq Ijitsiaq, katimaqataulauqtuq Silarjuami Ukiuqtaqtumi Ullunganni Katimanirjuamit, kajusitittilauqtunillu Ukiuqtaqtumi Takunnaqtauninginni Katimaniujumit. “Ukiut 200−nik aniguqtunik Ukiuqtaqtumi Qaujisaqattaqsimalirngata, Inuillu qaujimajanginni suli isumaaluutiuvattut makua qaujisarniujut Inuit Nunanginni. Tusaumatittinngiluaqattarninginni nunalinnit, piliriqatiqanngiluaqtutillu ilaliujjinngiluaqtut inuit qaujimajatuqanginni qaujisaqtinik ammalu qaujimaninginni atuluanngittiaqpattut isumaliurasuaqtillugit. Nunaliit ilagijaujumammata pivalliajunik, ikajurlutillu qaujimaninginni isumaliuqtuqarniaqtillugu ammalu qanuqtuurniaqtutit paqqijauqujillutit ukiuqtaqtumi, niqivullu inuunasuaruttirnivullu pijjutigillugit Ijitsiaq uqaqtuni.
Inuit Ukiuqtaqtumiuqatigiit Katimajingit ikajuqtuijut Ukiuqtaqtumi Takunnarninginni Katimaniujunik Uqausiusimajunillu, saqqiqtaurataaqqaujumit ullumi. Uqausiqaqtuq 7−nik atuliqujaujunik, ullunut pingasunut katimalauqtillugit. Atuliqujausimajut pivalliagumajunik atuinnaqtalik silarjuami maligaugajaqtunik, atuagarnit iliqqusiugajaqtunillu matukkuninga atuagaugajaqtunik qaujisaqtinut, uppirijattiarlutillu pivallialutit, iqatauqattarlutillu Ukiuqtaqtumi Nunaqaqqaaqtuminiit Qaujimaninginni Qaujimajut, Nunaqaqqaaqtuminirnillu Ilaliujjisimalutit.
Katimaniujumi Uqausiulauqtut “Ukiuqtaqtut nunalingit qaujimaniqattiarngata pilirijimmariqaurngata piliriqataugunnaqtunit aaqqissuigunnaqtunik atuliqtittijunnaqtunillu tamakkuninga ikajuqtuiluti isumaliurutiujunik makuninga sukkalijualummit asijjipalliajumit ukiuqtaqtumi. Kisianili, kisutuinnait atuinnaujut tukimuaqtaujariaqarninginnillu isuqarialit, ullumiujuq tikittugu, pivalliasimaarjuliqtuugaluaq.”
Ukaliq Ijitsiaq uqaqtunilu maannaruluk Kanata/Mialigat Ukiuqtaqtumi Angirutinga Angijuqqaarjuaq Turuutuu ammalu Angijuqqaaq Upaama kamajunnattiarniaqtut Nunaqaqqaaqtuminiit Qaujimaninginni “aturniqsaulutit” isumaliuqtuqaqtillugu. Ijitsiaq uqaqtuni, “Sivuliqtittiavaunirmit saqqijaaqujavut Kanata Mialigarlu, sulittiarlutit sulinirarutiillu kajusittiarlutit ammalu tilisiluti tamatumunga kamattiarunnarniaqtumit Qilanaattiaqtugu ikajurnianittinni kajusigasuaqtillugit tamatuminga turaaganginni.”
For more information: Carole Simon csimon@inuitcircumpolar.com P: 613-563-2642