Jaannuari 20, 2015 – Aatuaa, Aantiuriu – Aulatsijingit katimajingita Inuit Ukiuqtaqtumiuqatigiit Katimajinginnut Katimajuminiit Nuukmi, Kalaałiit Nunaani ukunani ulluni 13 tikitsugu 15 Jaannuari 2015 arraaguuk marruuk aniguqpatik parnanirmut ammalu parnaujjilutik katimaniksamut. Inuit Ukiuqtaqtumiuqatigiit Katimajingikkut kiggaqtuivattut nunarjuami pigiaqtaugumajunik ungataaniittunut 150,000−nut inungnut Rasami (Sukutka), Mialigait Nunangannik (Alaaska), Ukiuqtaqtunginni Kanataup ammalu Kalaałiit Nunaanik. Aulatsijiit katimajingit maannaujumik iksivaukaliit Ukaliq Ijitsiamik Iqalummiutaq, Nunavut, niruaqtaminiq tavvunga iksivautaunirmut Julaingutillugu 2014. Nuukmi katimanirmi upagutisimajuminiit nunait avittuqtausimaningitigut Inuit Ukiuqtaqtumiuqatigiit Katimajingit angajuqqaanut ammalu tugliujunut taakkunanngaaqsimajunik sitamani ukiuqtaqtumi nunalijjuanik Inuit nunaliqarvinginni.
Taanna aggiqtuq arraagu nalunanngittuq pijaksaqarutauniarninganik Inuit Ukiuqtaqtumiuqatigiit Katimajingikkunnut. Aulatsijiit katimajingit qimirrujaliminiit Inuit Ukiuqtaqtumiuqatigiit Katimajikkut sivulliutigumajanginnit, pivalliatitaulluni ammalu parnaujjigutaulluni tukimuagutiksanit atuliqtigumajaminnik tilijaujjutigisimajarminnut taanna arraagunut sitamanut−tilijaujjutausimajuq atuinnautitsigutausimajuq Inuit Ukiuqtaqtumiuqatigiit Katimajikkut sivuliqtiunirmut katimaniksamut katimaviksanga naammasipmippat inuuvimmi nunnguani Julaip 2014 Inuit atuliqtitsijuminiutillugit taaksumangat Kitigaajuit Uqausiqtaliarisimajanginnit. Taanna uqasiqtalik uqausiusimajunik isumaaluutaujunik suurlu makuninga: Ukiuqtaqtumi Katimajiit ammalu asingit nunarjuami katimanirmuungajunik; avatimik kamatsiariaqarnirmuungajunik; attananngitukkut usikattanirmuungajunik iqalulirinirmuungajullu; ikuvivvilirinirmuungajunik; Inuit timingita ilusinginnuungajunik qanuinngitsiarnirmullu; niqiqarnirmuungajut ajuqsannginnirmuungajut niqitsamik ; ilinniaqtuliriniq ammalu uqausiliriniq; piqqusituqakkut qaujimaniqarnirmuungajut ammalu killisiniarnirmut qaujisaqtulirinikkut.
Inuit Ukiuqtaqtumiuqatigiit Katimajingikkut sivuliqtauqasiutimmijut marruunnut asinginnut uqausiqtaliuqtausimajuunut uqausiusimajunut atuliqtitausimajut ilaugutiqarnirmigut. Inuit Ukiuqtaqtumiuqatigiit Katimajingita uqausiqtaliuqtausimajuunut Uqausiusimajunut Nangminiqsururnanirmuungajunik Ukiuqtaqtumi (2009) uqaqsimajuqtalik aulatauningata nunarjuami piliriqatigiinningitta ukiuqtaqtumi ammalu angiqatigiinnirivattangatta nunarjuami aivagutaujunut ukiuqtaqtumi, ilautitsiqattariaqarmata Inungnit. Amisunngupallianingit nunarjuami pijumanirijaujut ukiuqtaqtumi ujararniarnimuungajunut, uqsualuksait ammalu uumajut tariurmiutait atuqtaugunnarninginnut kajusigutausimavut Inungnut atuliqtisigutausimallutik nutaanguniqpaaq Ukiuqtaqtumiuqatigiinut Inunnut Uqausiqtaliangusimajumik Uqausiusimajunik Aturunnaqtunut Nunamiittunut Pivalliagutaunirmut Atuagarnit Inuit Nunaani (2011) atuagaliurutauniarlutik aturunnaqtunut nunamiittunut pivalliagutaunirmut Inuit ilauviginiaqtanginnit, aulatsinirmuungajut, pivalliatitsinirmuungajut, uvvaluunniit aturnirmut aturunnaqtunit nunamiingaaqsimajunit Ukiuqtaqtumi inuit inuusiqarvinginni.
Inuit Ukiuqtaqtumiuqatigiit Katimajingikkut piliriniqaqataullaripput Ukiuqtaqtumi Katimajini ammalu Katujjiqatigiini Nunaliujunut timiqutigijaujunut piliriqataujunut nunaqaqqaaqsimajut inuit pijunnautinginnut.
Timiqutigijaullutik ilagijaunnginnarnialirlutik Piqatautitaunirmut Ilautitaunirmut, Inuit Ukiuqtaqtumiuqatigiit Katimajikkut iksivaaqatauqattaqtut Ukiuqtaqtumi Katimajinut piqataullutik sitamaujuqtunut nunalirjuanut ammalu tallimanut asinginnut nunaqaqqaaqsimaniq pillugu timiqutigijaujunut Piqatauviqaqataujunut Ilaunginnariaqarnirmut tamatumunga. Kanataup marruunnut−arraaguunnut iksivautaunirmuungavinga Ukiuqtaqtumi Katimajini isuligumaaqtuq Ministautiit katimaliqpata iqalunni nunnguani Iippu 2015, ammalu Mialigarmiumut iksivautauliq 2015−mi tikillugu 2017.
Taakkua Mialigarmiinngaaqsimallutik katimajiuqataujut tuksiraqsimajut ajuinnarujjijumik piliriaksami iksivautaunini aturlugu ammalu Inuit Ukiuqtaqtumiuqatigiit Katimajingikkut Titirarsimaliqtut Ikajuqtuillutik Mialigakkut Titiraqtingalnut, Jaan Kiuri ammalu kajunngiqsaigutiminnik iqqanajaanngukkanniqullugu ajuqsaqattarni niqimik illulirinirlu Ukiuqtaqtumi nunaqaqtunut pijjujjilutik.