Nuvipiri 7, 2016 – Iqaluit, Nunavut – Ukaliq Ijitsiaq, Inuit Ukiuqtaqtumiuqatigiit Katimajingit Issivautanga, quviasuutiqaqujivuq Ukiuqtaqtumi ammalu taikkuninga angirraqarniraqpattunik Nuvipirimi 7 “Inuit Ullunganni” 2006−mi Utqiavvik Nalunaiqtaulauqsimajuq Inuit Ukiuqtaqtumiinguqatigiit Katimajinginnut arraagutamaat nalliuniqsiuqattarlutit Nuvipiri 7−mi, uummatillugu Inuit Ukiuqtaqtumiuqatigiit Katimajingit takunnalauqsimajanga, Ipan ᕼapssan angijutti, “Inuit Ullunga”
Ipan ᕼapssan sivuliqtittiavaulauqsimajuq uattiarualunit Ukiuqtaqtumi pigiaqtittiqatausimallunilu Inuit Ukiuqtaqtumiuqatigiit Katimajinginni.
Tavvani arraagumi, “Inuit Ullunga” nalunaiqsisimammijuq matuilauqsimaninganni sivulliqpaanganni ullunganni 22−gilluniuk Katimaniujuq Pilirijinik Silarjuami Katujjiqatigiit Katimaniujuq Sila Asijjipallianingannut Muraakak, Muraakumi.
“Ukiuqtaqtumi ungasittualuujugut, kisianili sannginingannu Ipan ᕼapssan pijumaningannut ammalu sivurjuami sivuliqtiuningannut pijunnaqsivugut ilirasugunniiqtuta pijunnautittinni taimailluaqtitaunirmil, tamakkua uqausiriniaqtavut pimmariujut assuruutauqattaqtut inunnut ullumiujuq − sila asijjipallianingani Ukiuqtaqtumi, uqausiujuq Ukalik Ijitsiarmut.
1978−mi, Ipan ᕼapssan tariup akianuulauqsimajuq unikkaariaqtuqtuni Lantan Pivalliajulirijikkunginnut, uqaqtuni “Kanataup Mialigaillu Nunanganni Ukiuqtaqtunganni Angijualuk nunanga nirjutiqauqtuni nikanaqtunik niqiqaqtiujunik pitaqaqtuni Inunnut Nirijauvattunik kisianili pimmariuninginni attuajuinnaummata. Inulluta asivaqtiugatta. Amisuunngimmata Inuit asivarunnaqtut namituinnaq silarjualimaami, kisianili inuit Ukiuqtaqtumiuqatigiit nulingit ilagimmajjuk.”
Tamaani Inuit ikajuqtaujariaqaliqtut silarjuami assuruutigijanginnut makuninga uqsualunniarumajunik ukiuqtaqtumi ammalu attuiniqarajarninginni Ukiuqtaqtuup imarmiutanginni nirjutinit.
Taimanngani 1978−minit, Inuit ullumiujuq ajauqtuikanniqtut silarjuami pigiaqtittiqujillutik. Ukiuqtaqtumi assuruutiqainnarngata missausagassaunatillu asijjipalliajut Qaujimanikkut sivuliqtiunikkut kamagunnarngata ilitturlutillu silaup asijjirninganni, kisianili, Inuit tusaqtittinasuaqtut silarjuami kappianarninganni − piliriqatiqattiarlutit, aaqqiumajjutiqattitaarasuariaqaliqtutillu.
Inuit Ukiuqtaqtumiuqatigiit Katimajingit piliriqatiqainnarniaqtut tamakkuninga nunaqaqqaaqtuminirnit, gavamakkunni, Gavamaunngittut Katujjiqatigiingit, asinginnillu pimmariuninganni nunavut silarjuami ammalu pijunnautingit nunaqaqqaaqtuminilimaat pimmariuninginni.
Uqausivut uqausiqarngata iqqaumajausimaliqtunit 4000-nit ukiunit inuit annaumasimajut piuqsuarnikkut aulattittiarnikkut ukiuqtaqtuup ilulirjuakulunginni − Ipan ᕼapssan − Juuni 13, 1977.
For more information contact: Carole Simon P: 613-563-2642 Email: csimon@inuitcircumpolar.com