Aipulu 3, 2017 – Utqiavik, Alaaska – Inuit Ukiuqtaqtumiuqatigiit Katimajingit quviapput nalunaiqsimmata angiqsimaninginni katimatittigunnarmangaata Uangnangani Sivingajuq Niuviami Inuit Ukiuqtaqtumiuqatigiit Katimajingit 13−nganni Katimavijjuarnirmit Julaimi 16- 19, 2018 Utqiavimmi, Alaska. Titiqqqami katimatittiniarninganni, Maija ᕼauri purauvu nukaqti uqalauqtuq “Inuulluta, inuugatta nunamiutaulluta ukiuqtaqtumi taimainginnarniaqtutalu inuusittinni inuulluta ajjiungittumit isumaqaratta iluani silarjuap ukiuqtaqtunganni”.
Inuit Ukiuqtaqtumiuqatigiit Katimajingit katimanirjuarnit, tisamat aniguraimmata arraagut, katimatitauvattut Kalaałiit Nunaanimiut, Kanatamiut, Alaaska ammalu Sikaattami, Ulaasaamiullu unikkaariaqtuqtutit uqausiqaqtutillu silarjuap ukiuqtaqtungitta parnautininginni kamagiaqaqtutit makuninga avatilirinirmit, pivallianirmit, Inuit pijunnautinginni, aanniaqtailimajuliriniq inulirinirlu attuqtaujunik Inulimaanik. Katimaqattaqtut quviasuutiqaqtutit ajjiungittunit piqqusiujunik, sanannguarnirmit iliqqusinginnillu Inuit tisamanik nunalirjuanit. Inuit Ukiuqtaqtumiuqatigiit Katimajingit Issivautanga, Ukaliq Ijitsiaq, tunngasuttittilluni maijaup tunigumajanganni, uqaqtunilu “pimmariuluannguarmijuq kingullirmi katimanirjuangugajaqtumi utqiavimmiikkajarngata, tamaani Juunimi nalliuniqsiurlutillu ukiunit 40−nik katimaniuqattaqtunit Iipan ᕼapsan tamanna saqqilauqsimammagu of Inuit Ukiuqtaqtumiuqatigiit Katimajingit”.
Taakkua Inuit Ukiuqtaqtumiuqatigiit Katimajingit sivuliqtiit katimajiliralaangit katimalauqsimajut Utqiavimmi ulluunnuk marruunnuk parnattutit katimanirjuassamit ammalu uqausiqaqtutit asinginni Silarjuap Ukiuqtaqtungata missaanit silarjuamilu qanuiluurutaujunik Ukiuqtaqtumi katimajiit uqasiuniqpaangulauqtuq, ammalu Inuit Ukiuqtaqtumiuqatigiit Katimajingit uqaqtutit piqataulaarninginni maimi ministait katimaninginni Viupaaksmi, Alaaskami Issivautanga Ukiuqtaqtumi Katimajinik tunijaulaqtunik Vinlaanmut. Inuit Ukiuqtaqtumiuqatigiit Katimajingit tilisilaarmijut katimajaqtuqujillutit Aipulumi Silarjuap Katujjiqatigiinginni ilagijaunginnalaaqtunik Nunaqaqqaaqtulirinirmit ammalu ajauqtuinginnarniaqtut piqataunginnaqujillutit Nunaqaqqaaqtuminirnit Silarjuap Katujjiqatigiinginnut Timiujumut.
Katimajiit katimallutit kajusinnirisimajanginnillu Silarjuap Ukiuqtaqtunganni Inuit Pivallianirmut Katimaniujumit aankurismit pinasuarusirilauqtatinni piqatauqattaniqsaunialiqtutit silarjuap ukiuqtaqtunginnimiut. Katimaninginni aulataulauqtut Inuit Ukiuqtaqtumiuqatigiit Katimajinginnut taimaak piliriniarninginni 2014−mi Kitigaruit Nalunaiqtausimaninganni taimak Inuit Ukiuqtaqtumiuqatigiit Katimajingit kajusiqullugit silarjuap Ukiuqtaqtungita Inuit Namminiqarnirmut Pivallianinginnut katimaniujumit qimirruniaqtutit piliriqatiqakkannirunarmangaata Inunnit namminiqaqtiujunik tusarvigilugillu atuqsimajaminik.
Inuit Ukiuqtaqtumiuqatigiit Katimajingit parnattut marruaqti katimakannilaarninginni arraaguginiaqtatinni. Uumajulirijirjuakkut katimatittilaarmijut Kanatami ukiassaap nunnguani 2017−mi ammalu Ilinniaqtulirinirmut Katimatittimmilutit Kalaałiit Nunaani ukiunguliqqat. Katimalauqtillugit asinginnillu Inuit Ukiuqtaqtumiuqatigiit Katimajingit piliriaqarniaqtut ukiunut tisamanut unikkaarijaummilutit katimatillugit Julaimi 2018−mi Inuit Ukiuqtaqtumiuqatigiit Katimajingit Katimanirjuanganni Utqiavimmi.