Jaannuari 24, 2022 – Aankurits, Alaaskami- Inuit nipingit tusaqtaminiit pimmariujumi katimanirmi iqqarmi ivumijaqtitauniuvatuq umiarjuanut pillugu katimajjutautillugu Inuit Nunarjuami Tariurmiutalirinirmut Timiqutinginnut (IMO−kut) tavvani pinasuarusirmi. Inuit Ukiuqtaqtumiuqatigiit Katimajingit (ICC−kut) atuqsutik nutaamik ilagijaujunnaqtitaujumik tukisigiarutautillugu qanuilingalirniujuq IMO−kut katimajiit−katimajiralaanginnut uqaqatigiigutaulluni iqqarmi ivumijaqtitauniuvatuq umiarjuanut pillugu katujjiqatigiit taakkua ivumijaluarunniititsiqujitillugit umiarjuanut piluqqusiuttunit ngaturniaqtangat nunaqaqqaaqsimajut qaujimaniqarningat piqataulutillu inuit nunaliqutigijavullu.
Tukitaarutaujujuq tamanna Liisa Qupirrualuk nillialauqtillugu sapummitsiniup miksaanut, ICC−kut Kanatami Angajuqqaangata Tuglia Nunarjuami, tuksiraqtillugu “Tukingit Tukimuagutit iqqanaijaariniarlugu parnautimut iqqarmi ivumijaqtitauniuvatuq umiarjuanut pillugu nittajumit piqasiujjijuq piqatautitsinirmit atuqtautitsinirmillu Nunaqaqqaaqsimajut Qaujimaninganik.”
Katimajiit−katimajiralaangit katittuminiit pigiarumallugu pivalliatitauninga iqqanaijaariniarlugu parnautimut iqqarmi ivumijaqtitauniuvatuq umiarjuanut ivumijaluarunniiqtuqaqullugu iqqarmi umiarjuanut ingirraviuvattuni. Tamanna isumaaluutaullaringmat inungnut ulurianaqtumiititsigunnarninga ivumijaqtitsinikkut iqqarmi tamakkununga puijinut Inuit niqigivattanginnit. Ullumimut, maannaujumi taakkua IMO−kut umiarjuap ivumijarninganut suruittailinirmit atuagait isumaqsuutigijaujut, taannalu sivulirutauliqsimajuq atuliqtitauninga piliriviujuni.
Taimanganit ilaliutititaujuq aturunnaliqtitausimaningata, taanna sivulliqpauvuq piviqarviuluni immikuurluni, atuutiqarlunilu Nautsiturnirmuungajumut. Liisa Qupirrualuk tikkuaqtuqsuni katimajiramaanut iluunnatsianginnullu IMO−kunnut ilagijaujunit imaikullugit Katujjiqatigiittut Nunalirjuat Nalunaiqsimajangat Pijunnautingita Nunaqaqqaaqsimajut (UNDRIP) nalunaiqsimmat nunaqaqqaaqsimajut pijunnautiqarninginnit mianiqsilutik, aulatsilutik, sapujjilutik pivalliatitsilutillu piqqusirminnit qaujimajatuqaminnillu.
“Katujjiqatigiittut Nunalirjuat Timiullutik, taakkua IMO−kut isumaksaqsiurutiqariaqaqput atangiqtumillu atuliqtillugu taanna UNDRIP, piqasiutilugu katujjiqatigiitsuta iqqanaijaavut ullumi,” Liisa uqaqtuminiq Sivulliqpaulluta nunaqaqqaaqsimajuulluta timiuvugut angiqtaulluta tamaksuminga pijunnarniqaqtitaunirmik niriugutigivavullu pigiarutauniaqullugu nutaamit piliriqatigiingnirmik IMO−kunnut ilaujjutilinnullu taakkununga nunaqaqqaaqsimajunut nunarjualimaami, piluaqtumilu Ukiaqtaqtuq” Qupirrualuk uqaujjilluni katimajiit− katimajiralaanginnik “inuit tatigijaqaqattarmata usikattapattunit niqinit pijitsirutaujunillu, Inuillu nunalingit tatigijaqaqasiutivammijut tariumit inuusinirminni annaumautautillugit niqigillugillu. Kiinaujaliurasuarutivut piqqusivullu tatigijalik ulurianangittumit, attunirluttausimaluangittumit, ammalu salumaluni usikattarniq.”
ICC−kut kiggaqtuiningat nalunaiqsisiaqquq atuqtaugunnarajaqtumik taakkua tukingit tukimuagutit atuaqtaulutik pivalliagutaunirluni iqqanaijaaqarnirmut tamaksuminga parnautimut ”nittarniq piqasiujjimmat piqatautitsinirmik ammalu atuqtautitsiniuluni Inuit Qaujimaninginnit, tamannalu kinguumagijaungmat iluani iqqanaijaanguningata iqqanairnialugu nalunarningit tamaksuma iqqanaijaanguningata taakkununga katimajiit− katimajiralaanginnut.”
Atuqtauqugajaqsimajangalu atuliqtitaminiulluni. ICC−kut kiggaqtuininga piqatauningalu nalunaiqpuq maannaujumi nunarjumi usikatanniuvattuq sammijatsaulirmat Inuit nipingitigut Nunaqaqqaaqsimajullu taututtangitigut. Nunarjuami atuagait iqqarmi ivumijaqtitauniuvattuup katsurjuumigajarninga maanna inungnut turaangaliqquq isumaaluutingit nunalimmiungujullu uqausirisimajangitigu piqataujariaqalirmata Taakkua ICC−kut katimaviuviqarvingat IMO−kunni piviqaqtitsisimammat Kanatami uqausiujut ammalu pivitsaqarniq kanatami Inuit isumagijangita pijumajangitalu kiggatuqtaugutinginnit.
-30-
Qaujigiarvigiguk:
Kiali Ininguvuk ICC (Alaaska) +1 907-274-9058 kelly@iccalaska.org
Tukumminnguaq Niakjiu Ulsan ICC (Kalaałiit Nunaa) +299 323632 tukumminnguaq@inuit.org
Kiuru Saiman ICC (Kanata) +1 613 293-9728 csimon@inuitcircumpolar.com