Tisipirimi 8, 2020 – Aankurits, Alaaska – Inuit Ukiuqtaqtumiuqatigiit Katimajingit quviagijaqaqtut pigiaqsimaninginni Kanataup gavamakkungit saqqiillutit maligarnit Kanataup Maligaliurvijjuangannut Tisipiri 3−ngutillugu atuliqtutauniarninganni Silarjuap Katujjiqatigiingit Nalunaiqsisimaninginni Pijunnautingatta Nunaqaqqaaqtuminiit Kanatami.
Inuit Ukiuqtaqtumiuqatigiit Katimajingit Issivautanga Talii Sampu Turu uqaqsimajuq “piliriqatauqattaqsimaningit ukiugasaalunnut quliuluaqtunut aaqqissuiqatauqattarninginnut inunnut pijunnautinik nalunaiqtausimajunik Silarjuap Katujjiqatigiingit Nalunaiqsisimaninginni Pijunnautingatta Nunaqaqqaaqtuminiit, quviagijauttiaqtut tamanna pivalliajuq Inuit ammalu Inuit Ukiuqtaqtumiuqatigiit Katimajingit. Inuit Ukiuqtaqtumiuqatigiit Katimajingit saqqiisimajut aaqqisuqsimajunik pijunnautinginni inunnut gavamakkunnillu uqausiusimallutit namituinnaq silarjuami. Taanna ajjiunngittuq, tunngaviujuq kajusitittikanniqtutit turaaganginni Inuit Ukiuqtaqtumiuqatigiit Katimajingit, pigiaqtitausimajuq malissaqullugillu silarjuamiittut, taikanialuk 1977−mi, Ipan ᕼapsan, Angijutti nalunaijalauqsimammagit angirutitaqariaqarninginni gavamakkut atausiulutit pijunnautittinnut kamalutit ammalu maannaujuq pimmariuliqtillugu, isumagijaugiaqallarimmat maligassaujuq atuliqtitaullarilluni aulattigutigilirlutigulluunniit suurlu pijunnautinginni Kanatami. Ilisaqsisimagatta Inuit pijunnautingit tunngaviuvammata kisulimaattiarnut atuqtanginni ammalu gavamakkut asingillu pigiaqsimajut ilisaqsisimamma tamakkuninga pijunnautittinni tigujauttiaqullugillu. Tamanna sulittiaqtuq pijunnautivut namminirlu pijumanittinni ilisarijausimallunilu kamagiqattarlugit aturlutillu quviagilugillu Inuttinni pijunnautiqarnitinni. Takujumattiaqqungalli tamanna maligassaq “kajusititaulutit angiqtaulunilu angijuqqaanguniqsammarinnut tavvattautigipaluk. ”
Silarjuap Katujjiqatigiingit Nalunaiqsisimaninginni Pijunnautingatta Nunaqaqqaaqtuminiit kajusititaulauqsimammat silarjuami katujjiqatigiit katimanirjuanganni Sitipiriutillugu 13, 2007. Taanna Silarjuap Katujjiqatigiingit Nalunaiqsisimaninginni Pijunnautingatta Nunaqaqqaaqtuminiit kajusitittiqattaqsimammata angirutausimajunit iluunnanginnut piqujivungaarmi ikajuqtuijjutinik Silarjuami Katujjijiit Nalunaiqsisimaninginni ammalu killiqaqtunik piliriqatigiiqullugit aaqqissuitillugit pigiarutissaujunik parnautinik asinginnillu atuliqtittiniaqtillugit Silarjuap Katujjiqatigiingit Nalunaiqsisimaninginni Pijunnautingatta Nunaqaqqaaqtuminiit, piqasiutilugit maligarjuaq, taimak Kanatami kamajut Maligassatigut.
Naillitiqsimajumit unikkaarmit Maligassamit C-15 imaak titiraqsimammat: “Tamana pigiaqtitauningannut Kanataup Gavamakkungit pilirijariaqaqtut maligaqtigut Kanatami Malillutit ukuninga Silarjuap Katujjiqatigiingit Nalunaiqsisimaninginni Pijunnautingatta Nunaqaqqaaqtuminiit, titirarlutillu atuliqtittilutillu pigiarutinik parnautinik kajusiqullugit pilirianguniaqtut Nalunaiqtausimaningit.”
Kanataup Gavamakkungit arraagunut pingasunut kamakkanniriaqarngata kajusititaugialimmit Maligassamit C-15 pigialauqtillugu titirariaqaqtutit parnautinik pigiarutissanut Iluliqariaqaqtut imaittunit, “kamalutit iqqaqtuivilirinittigut ippigijauttiaqsimanngittunit, ilainnaaqaqtaqsimajunik akitturautinittigut ningarniujulimallu taimailluatittiqattanginnikullu piijarlugit, makualu iliqqusiujunik ilainnaatittivattut, nunaqaqqaaqtuminirnit …”
Inuit Ukiuqtaqtumiuqatigiit Katimajingit Kanatami Angijuqqaaq Maanika Aul-Kanajuq uqalauqtuq, “Uppirittiarattigu Inuit Tairiit Kanatami piliriqatillugit Kanataup Gavamakkunginni aaqqissuinasuakkaniqtutit maligassanik. Ilisarijavut tamakkua pilirianginni assuruutiqarngata Maligassamut C-15−mu maligaqtigut aqqutiqariaqalaarmimmat Maligaliurvijjuarmi ammalu angijuqqaammarinnuurmiluni Ikajuqtuittiaqtugut uqausikkut maligaliuqtimmarinnik tamatuminga piliriangujumit assuruutauqattaqsimajumit paqqijauqullugit Inuit pijunnautingit Nunaqaqqaaqtuminiit. Pivalliajut tamakkua Kanataup Gavamakkungit tamatuminga, uppirijaqaratta, ikajuutiqarniarngata piujukkut maligait pigiarutaujut inunnut asinginnullu namituinnaq silarjuami.”
Tukisigiarvissaq:
Kelly Eningowuk
ICC (Alaska)
907-274-9058
kelly@iccalaska.org
Kiuru Saiman
Inuit Ukiuqtaqtumiuqatigiit Katimajingit (Kanata)
613-563-2642
CSimon@inuitcircumpolar.com