Nuvipiri 28, 2019 – Ilulissat, Kalaałiit Nunaa – Sivuliqtiit Katimajingit Inuit Ukiuqtaqtumiuqatigiit Katimajinginni (katimattiaqtualuulauqtut Ilulissarmi, Kalaałiit Nunaani Nuvipirimi 23-25. Katimaqatiqaqtutillu ᕼammalakkut Katimajinginni Avanaata Kummuniamit ammalu Maijami Pali Juurimiasanmit naalattutit nunalinni parnanninginni katimanirjuangulaaqtumit 14−nganni Inuit Ukiuqtaqtumiuqatigiit Katimajinginni Julaimi, 2022.
Maija Pali Jurimiasan ammalu Inuit Ukiuqtaqtumiuqatigiit Katimajinginni Issivautanga Tali Saampu Turu atiliulauqtut Angirutimik Katimajjutigilaaqtanginni 14−nganni Inuit Ukiuqtaqtumiuqatigiit Katimajinginni Katimavijjualiqqata Julaimi 2022−mi piqataulutit ᕼammalakkut Katimajingit, Inuit Ukiuqtaqtumiuqatigiit Katimajinginni Sivuliqtiit Katimajingit, ammalu inuusuttuni kiggaqtuiliqaurlutit Inuit Nunanganniinngaaqsimajunit.
“Inuit Ukiuqtaqtumiuqatigiit Katimajinginni Kalaałiit Nunaa katimatittigumattiaqtut piliriqatiqarlutit inunnit Avataata Kummuniani ammalu Ilulissarnit” uqalauqtuq ᕼajamar Tal, Angijuqqaq Inuit Ukiuqtaqtumiuqatigiit Katimajinginni Kalaałiit Nunaanut. “Nunalinni katimajiralaattaqaliqtuq parnalaaqtuni katimaniulaaqtumi Ilulissammi, amisunillu pularaqtitaqalaarillutit tamatuminga nunalinni saqqipallialaaqtunillu.”
Inuit Ukiuqtaqtumiuqatigiit Katimajinginni Katimavijjuatittiqattarngata arraagut tisamat aniguraimmata piqataujuqaqtutit Silarjuap Ukiuqtaqtunginni niruaqtaminirnit Issivautarnit sivuliqtiillu katimajinginni, piqujaliaminirnillu, tigujaujuminirnillu Nalunaiqtaujunik atuarutauniaqtunik Inuit Ukiuqtaqtumiuqatigiit Katimajinginni pigiarutinginni kamagijaugiaqalaarmijunit. Katimanirjuami Katujjigunnarmijut tusarutinik, uqausiqarlutillu isumaaluutiugajuttunik, aivajjutaujunik, nalliuniqsiurutaujunillu inuit piqqusinginni, ammalu sanngatikkanirlugit taakkua Inuuqatigiilimat.
“Qaujikkaiqattarniaqtugut qanuilingalirmangaatta, taikani tisamanit nunalirjuanit, atuliqtittininginni Utqiavik Nalunaiqtausimajumit,” uqalauqtuq Inuit Ukiuqtaqtumiuqatigiit Katimajinginni Issivautanga Tali Saampu Saru. “Sulikkanniq, katilaarmigatta uqausiqarlutit isumaalunaqtullarinni atuqtauvattunit inunnut, silalu asijjipallianingani Ukiuqtaqtumillu Tigumiarninganni niqissaqarnimillu, uuttuutituinnait tamakkua. Utqiavimmi Nalunaiqtausimajuq qulinit titiraqsimajuqarngat pillariuniqpaanit taikanngat 58−nginniittunit titiraqsimajunit.”
Ilulissat pingajugijaummat anginiqpaanguqatigijaujunik Kalaałiit Nunaani Nuukmi Sisimiumilluu, inugianningit ataaniimmata 5,000. Atingit takkua tukiliit “piqalujaqtalik” Kalaałiisut. Qanittuq Ilulissat Piqalujaqtalinik angijurjuaraaluummat sirmilimmiinngaaqsimajualummi, ammalu UNESCO Silarjuami Ittarnisauninganni Ilisarijaummat.