Kajusiniqatsiaqsimaninginnut Inuit Uqaqsimammata Tukisijaujariaqarninganik “Tukilimmik Piqatautitauniq”
Sitipiri 19, 2021 – Ankurij Alaaska – Taakkua Inuit Ukiuqtaqtumiuqatigiit Katimajingit Kanatami (ICC), Ilagijaunginnaqattaqtiullutik Piqataunirmik Ukiuqtaqtumut Katimajinut, uqaqsimajut amisunik upigijaksaqtaqarninganik pillugit kajusititauqattaqsimajut taakkunani avatit tallimallu arraaguni aniguqtuni. ICC-kut upigijaqaqsutik amisunik Piliriqatauqattaqsimakutaattunit Ukiuqtaqtumi Angajuqqautinik ammalu katimajinut piqataunginnapattunit ajauqtuisimaninginnut atuagarnik atuliqujaliangusimajunik sivumuattitauqujinirmik, ammalu tamanna atuliqtitausimaliqsuni Ministaujunut taakkununga sitamaujuqtunut ukiuqtaqtumi nunalijjuaniittunut taakkunani marruunik avvanganilu piliriniqaqtillugit aniguqtuni arraaguni.
“Inuit taakkunangat sitamanik ukiuqtaqtumi nunaliujunit – Alaaska, Kanata, Sukutka (Rasa), ammalu Kalaałłiit Nunaa – nipiqaqtitsiqattaqsimajut kiggatuqsutik uvattinnik taakkununga Ukiuqtaqtumut Katimajinut, Angajuqqautinut Ukiuqtaqtumut Katitniutitani, ammalu piqatauqattanirmigut aivagutautillugu Ukiuqtaqtumut Katimajiit piliriqatigiingningat pigialauqsimammatanik,”uqaqtuminiq ICC−kut Iksivautangat Talii Sampu Tuaruu. “Pigialauqtinnagit Iksivautarisimajavut, Miali Saiman, maanna Kiggaqtuqtigijauliqtuq Kuingmut Kanatami, piliriqattaqsimammat pigiaqtitauninga tikitsugu Aatuaami Sitipiri 19, 1996−ngutillugu. ”
ICC−kut Iksivautangat Talii Sampu Tuaruu tusaqsautitautillugit tusaratsaliangusimajut tavvuuna ICC Unipkaa Ukiuqtaqtumi Tusaqsautitauvattutigut Paatkaaskut uqaqatigiigutautillugu arraagut avatit tallimallu Ukiuqtaqtumut Katimajiit pilirinirisimajangat ICC−kut Kanatami Angajuqqaangata Maanika Iul−Kanajuup, ICC−Kut Kalaałłiit Nunaani Angajuqqaanga ᕼajjalmaa Taa, ammalu ICC−kut Sukkutka Angajuqqaanga Liupav Taian. Uvani atuinnautitaujuq: https://bit.ly/3gwLV9w
“Isumajunga atuutiqaqtumik piqatautitauniq tavvuuna kisianiuninganik Nunaqaqqaaqsimajunut, ukiuqtaqtumituinnaungittuq, kisiani nunarjualimaami Kanatami Nunaqaqqaaqsimajut katimaniqaqtitauninginni,” uqaqtuminiq ICC−kut Kalaałłiit Nunaani Angajuqqaanga ᕼajjalmaa Taal. “Ukiuqtaqtumi Katimajini, Piqataunnginnaqtitaunikkut Ilagijautitaunirmut, pijunnautiqaqpugut uqalimagunnanirmik kisiani pijunnautiqaqtitaunata niruarnirmut, tamanna pinaulutauningani qaujimallugu. Tamanna qanuigiarutaugialik.”
ICC−kut Kanatami Angajuqqaangata Maanika Iul−Kanajuup uqausiliminiq isumaaluutauninganik silaup asijjirninga, Inuit tamanna pillugu uqaujjisimatillugit nunarjuami arraagut avatit marruuq aniguqtuni, killisiniaqtiit qaujisaqtimmarit qaujisarumalilauqtinnagit tamatuminga. Uqausiqaqtuminiq aksururutaujuq tusaqtauvanginninganik. “Nipivut tusaqtaujunnangippat, takutsaunngittugut. Nuna nunamilu aturatsat attuaqatigiittuinnait. Imarjuat attuaqatigiittuinnait. Killiliutausimajut ungataanut takunnariaqaqtugut iqqanaijaqatigiivvigilugillu saputiniarlugu nuna. Pimmariuniqsauvu, katujjiqatigiilluta piliriqatigiingniq ajjigiititautsiaqtuqaqullugu.”
Killisiniaqtausimanikkut uqausiminiq piviqarviuninganik tamanna nipiqarutimininga ICC−kut Sukkutka Angajuqqaangata Liupav Taian. “Isuarraagunik Avatit Tallimanillu aulaniqaqsimaninga nalliusimajuq Taakkua Ukiuqtaqtumut Katimajiit. Isumagunnarutta inuup isumausingagut, arraagut avatit tallimanillu inirniuliqtutut arraaguummat, kisiani suli silattupalliatuinnaqtuq. Katimajinut tamanna pivallianiq silattunirmut atuqtauqugangaluaqpara uvattinnut Ukiuqtaqtumullu Katimajinut kajusitsiaqullugu tamakkutiguuna katujjiqatigiinnikkut taakkununga Sikutkamiunut inungnut ammalu Ukiuqtaqtumut Katimajinut.”
Maingutillugu 2021 qulit marrullu Ukiuqtaqtumut Katimajiit Ministautingit katimatillugit Raikjavikmi, Aislan, ICC−Kut Alaassami Angajuqqaanga Jimi Sitaats upigijaliminiq Ukiuqtaqtumut Katimajiit utirninganik pigiaqsimajarminnut nalimugiititsigasuarnirminnut ikupivvilirinirmut pivallianirmut ammalu sapujjinirmut avatimik. “Uqarvigisimajara taanna timiujuq arraaguunnik marruunnik Ruvainiami nanijaugiaqarmat nalimugiititsiniq. ICC−kut sulijuqsaqtut ukiuqtaqtumut katimajiit suli nanisigasuarmata tamaksuminga nalimugiititsinirmik. Qujanaqput, nunarjuap silangata asijjiqpallianinga pillugu katimajjutiksamiikkanirmat.”
“Kiggatuqsugit 180,000 Inuit taakkunani sitamanik Ukiuqtaqtumi Nunalirjuani quviasuutigivavut kajusititauqattaqsimajut taakkununga ukiuqtaqtumut katimajinut taakkunani avvangata avvanginni arraaguni aniguqtuni,” uqaqtuminiq ICC−kut Iksivautangat Talii Sampu Tuaruu. “Niriunnirijavut nalunangilaq sivumuattitsitilluta katujjiqatigiinnikkut tunisimajattinnik ikajuqsinikkut tusaqtautuinnangimmata, kisianili surraittuutitsiniq takutsautitaummat iqqanaijaattigut, aivaniriqattatattigut, ammalu isumaliurutiqaqattarningitigut taakkununga Ukiuqtaqtumut Katimajinut.”
Qaujigiarviksat:
Kiali Ininguvuk ICC (Alaaska) +1 907-274-9058 kelly@iccalaska.org
Tukumminnguaq Naikjai Uulsan ICC (Kalaałłiit Nunaa) +299 323632 tukumminnguaq@inuit.org
Sitiivan ᕼIanturi ICC (Kanata) +1 613 668 1923 type88@post.com