Julai 10, 2018 – Iqaluit, Nunavut – Issivautanga Inuit Ukiuqtaqtumiinguqatigiit Katimajingit, Ukalik Ijitsiaq nalligusunniralauqtuq tusarami inuugunniiqtuminiuninganni Angijuqqangulauqtuq Inuit Ukiuqtaqtumiinguqatigiit Katimajingit ᕼans Pavia Ruusi Kalaałiit Nunaani Angijuqqaangulauqsimajuq Inuit Ukiuqtaqtumiiqungatigiit Katimajinginnut 1980−mi – 1986−mut katujjiqaqtigiit aaqqipallialiqtillugit.
“Jagaigatta tunngavigijattinni ilattinni Inunnit ”uqaqtuni Ijitsiaq. “ᕼans Paviap takunnalauqtanga ikajurniqallarilauqtuq pigiaqtitautillugu Inuit Ukiuqtaqtumiinguqatigiit Katimajingit ullumiuliqtuq taimaittuulirningannut. Katimajiunirilauqtangit kamanattialauqtut, katujjiqatigiitumuunngittuugaluaq, kisianili inunnut kalaałiit nunaanimiutarnut piliriqatauttialaurngat gavamakkunni arraagunut quliuluaqtunik Angijuqqaanguliqtillugu Inuit Ukiuqtaqtumiinguqatigiit Katimajingit. ”
ᕼans Pavia Ruusi inuulauqsimajuq Juuni 22, 1948−mi. Ukiuqalauqsimajuq 70−nit inuugunniirngat. Ilisarijauqattaqsimajualuulaurngat amisunut tunijausimalluni Kalaałiit Nunaanit quttiniqpaamit ilisarijaujjutitaalauqsimajuq 1985−mi Marruaqti ilisimalluni Inuit Ukiuqtaqtumiinguqatigiit Katimajingit Angijuqqangunirmut 1980−nginni ilagijaulauqsimajuq Kalaałiit Nunaani Siumukunni Niruaqtaulauqsimallunilu Kalaałiit Nunaanit Maligaliurvijjuangannut 1987−mi. Ministuulauqsimalluni Pivalliajulirinimut Issivautaulauqsimallunilu Katimajiqalaanut Kalaałiit Nunaani Maligalirinirmit.
Ruusing namminilirinirmit kamaqattalaurmijuq, avatilirinirmit, piqqusilirinirmillu kamaqatauvattuni, ammalu inngiqtiulaurmijuq pigiaqtittilauqsimalluni Kalaałiit Nunaani inngiqtinit.
“Inuit ilisaqsilaaqtut taassuminga ᕼans Pavia Ruusi katimakkanniliqqata pinasuarusigilaaqtatinni Utqiavik, Alaskami 13−nganni Inuit Ukiuqtaqtumiinguqatigiit Katimajingit Katimavijjuatillugit. Aingai. ”Isulittilluni Inuit Ukiuqtaqtumiiqungatigiit Katimajingata Angijuqqaangani Ukaliq Ijitsiaq.