Mai 31, 2018, Nuuk, Kalaałiit Nunaa Pikialasursuaq Tilijaujjutigisimajanga ullumiujuq silarjuamiinngaaqsimajunik nakituinnaq ilinniarniujuq atuliqujaujunik 2017−mit saqqiilauqtut. Ilinniariaqsimaqataujut kiggaqtuijiit Kanatamiinngaaqsimajut Kalaałiillu Nunaani taikanimiut atuqattaqtullu Pikialasurmisut, Inuit Katujjiqatigiingit, qaujisaqtimmariit, gavamakkunni kiggaqtuijiit kalaałiit nunaani, Kanataup Gavamakkungit ammalu Gavamaunngittut Katujjiqatigiingillu. “Pikialasursuaq imavituinnaunngittuq, uvvaluunniit ajjiungittunit nirjutiqasuuq attuqtausimajuq sila asijjirningannut. Tamanna nunagijaummat. Tamanna katujjaujuq imaq nalunaiqsisimajuq kikkuunittinni − attuanittuanittinni” uqaliq ijitsiaq uqaqtuni. Issivautaq Inuit Ukiuqtaqtumiinguqatigiit Katimajingit ammalu Silarjuami Pikialasursuaq Tilijaujjutigisimajanginni Katimajiit.
Turaaganga ullunut pingasunut ilinniarninginni uqausiqarlutit aaqqissuilutillu atuliqujaujunik parnautinik iluliqaqtunit 2017−mit Unikkaanginni, “Inuit Sikulimmiittut Aqqutinga − Sivunittinni Pikialasursuaq”. Kuupik kalasit, Pikialasursuaq Kamisananga Kalaałiit Nunaani uqalauqtuq, “Kamisanangita piliriningit nunalinnit, Nunalinni kamattiaqujillutit imarmi Inuit Aulattinikkut Pijunnaqtitauninginni, Inunnut qaujisaanguinnarluni maligarmit ammalu ingirraviujunnattiarluni tamanna aqqutiujuq pikialasursuaq”.
Piqautajut uqausiqalaurmijut maannalisarnit aulattijjutinit maligarnit Pikialasursuamu, qaujisaqtuqaqattariiqtuq ammalu qaujisaqtutalik amisunillu. Nunalit taikani Pikialasursuarmi nillialaurngata sivulliqpautigialinni nalunaiqtauniaqtut atuliqtitauniaqtunit Kamisanaup pilirianginni aulattinirmut qaujisainnanirmullu, sivukkaqtailutit piuqsuarniarninginni ammalu saqqijaaqtittikannirlutit nunalinni ilaliujjiqattarmilutit qaujisaqtimmariit qaujisarninginni.
Iiva Aariak, Kanatami Pikialasursuaq Kamisana, Ikpiarjummi isumalauqtuq ikpigijaqarninganni katisikkannilaurngat 2016−mi ilanginni Qaanaarmi. Nuqqaqtitauppata ingirraqattarningit nunalinnut Pikialasursuaq pijiriarillarinniaqtanga tamanna. Nunalit tamakkiinnik Pikialasursuaq apirisimajut ingirraqattarunnarmangaata nunaliit pulararlutit ilaminik piqatiminillu, paqqittilutillu uqausinginni piqqusinginnillu attuammata. “Ingirraqainnaqattalauratta niurrujunnarnani ilaminut akitujualuuninganut paippaallu nanigasuaqtugit nunalittinnuungajut pijariatummata − atausiugatta inuulluta.” Pigiarutausimaliqtut Kanataup Gavamakkunginnut qaujinasuaqtutit qanuq Inuit Pikialasursuaq ingirrakanniqattarunnarniarmangaata Kanatami Kalaałiit Nunaanilu utiqtarlutit.
Ilinniarninginni nalunarunnilauqtuq ikajuqtuiqattautininginni ilinniaqsimajullariit gavamakkullu qaujisaqtingit ammalu nunalinnit gavamaujut piliriqatiqariaqarninginni inunnit taikanimiutarnit ammalu atuliqtittilutit aulattinirmungagajaqtunik piliriqatigiilluta qaujimanivullu pilirijimmariit katitillugit, Gavamakkut, qaujisaqtimmariit ammalu Gavamaunngittut Katujjiqatigiingit uqausiqarlutit ikupittulirinirmillu aulattigunnarlutit tamatuminga avittuqsimaniujumit.
Ijitsiaq uqalaurmijuq, “Piliriangujuq Pikialasursuaq Tilijaujjutigisimajangit Silarjuamut aqqissimagaluaqtillugit nunaqaqqaaqtuminiit kamattiariaqarninginnut ikajuqtuilutillu namminirlu pilirilutit ammalu Nunaqaqqaaqtuminiit Paqqijauqujanginni Paqqittilutit.