Inuit Ukiuqtaqtumiuqatigiit Katimajingikkut Iksivautanga Upigijalik Kanatamiutaulluni Inungmik Sivuliqtimik Tuniusiaqtuminirmik Iqqagijaunirmut Tuniusiamik

16 Utupiri 2012 – Nuuk, Kalaałiit Nunaat – Aqqaluk Ling, Iksivautangat Inuit Ukiuqtaqtumiuqatigiit Katimajingita ullumi upigijalik Inuit Ukiuqtaqtumiuqatigiit Katimajingita Angajuqqaanganik ammalu Inuit Ukiuqtaqtumiuqatigiit Katimajingita Iksivautangata-Tuglianik Kanatamut, Tuain Simis, tuniusiarninganik iqqagijaunirmut 2013−ngutillugu Intipairu Tuniusiaq Gavamalirinirnut.
Intipairu tuniusianguvattut tunijauvattut Kanatamiunut tamakkiinnut nunaqaqqaaqsimajunut ammalu isumatujuutitaunirmut asinut.
“Taakkua Inuit Ukiuqtaqtumiuqatigiit Katimajingit upigijaqaqput Tuain Simissiup iqqanaijaariqattaqsimajanginnit iqqanaiqsugit. Tuniusiamininga urniqsiurutiuvuq sulininganik gavamalirinikkut aksuruaqarnikkut iqqanaijaaqarniq amma iqqagijaqarniq taikkuninga ajjigingitanginnik isumagijaliit pillugit atsururnaqsivalliajut Ukiuqtaqtumi kajusititautsiaqsimammat pilirianguningit. ” Ling uqakkaniqsuni, “Tuain qaujimammat katujjiqatigiigutauppat- atuutiqatsiarniusatuinnaqtut piliriqatigiinniit asinik piliriqatiqarniq Inungnik aqqutitsiavaummat atuutiqaqsuni aaqqitsuinirmut ammalu surraittuutitsinirmut inuit inuusinganik.”
Taanna Angajuqqaangat Insipaijukkunnut uqaqtuminiq imaak, “atunik ammalu iluunnaita tuniusiaqattaqsimajut taaksuminga tuniusuangusuumik ijjuaratsausiaqpuq ammalu sivuliqtiulluni attuiniqaqsimajuq atuutiqatsiatukkut nunalingminni Kanatamilu.”