Siitiippiri 10, 2019 – Kangiqłiiniq, Nunavut – Nutaarnit gavamatuqakkut Piqujaliurumammata Inunnut Asinginnullu Nunaqaqqaaqtuminirnut Silarjuap Ukiuttaqtungannut, taimaak uqalauqtuq Inuit Ukiuqtaqtumiuqatigiit Katimajinginni Kanatami Angijuqqaq Maanika Iul−Kanajuq.
“Inuit Ukiuqtaqtumiuqatigiit Katimajinginni piliriqatiqalauqtuq silarjuami pilirijunik Kanatami tamakkua isumagijaujut silajuami gavamakkunnut Ukiuqtaqtumi Piqujaliriqattaqtunullu Inuit uppirijanginni pijunnautittinillu namminiq pinasuarnitinni titiraqsimattiaqullugit Silarjuap Katujjiqatigiingitta Nalunaiqsijjutinginni Tamatuminga pijunnautinginni Nunaqaqqaaqtuminiit, Kanatalu atiliuqatausimalluni,” Iul−Kanajuq uqalauqtuq.
“Tamanna pimmarialuummat pigiaqpallialuni Pivallianasuakkannilirlutit Aippanganniittumit – aaqqissuilutit maligassanik qaujisarnimullu parnautiugajaqtunik,” uqaqtuni. “Quviattuq Silarjuami Pilirijut Kanatami piqujaliurnirmit pivallianialirngat. Tamanna nutaarmit Ukiuqtaqtumi piujauluni takussautittijuq silarjuamut Kanata sivukkaqtaigunnarngat. ”
Silarjuami isumagijaujut tamatuminga anginiqsami piqujaliurlutit pimmariujunik ilaqarluni inuit Nunanganni, Inuit angirranginni Kanatami. Titiraqtaulauqtut kiggaqtuijiqaqtutit Inulimaannik ammalu tunngaviliuqtutit uqausinginni malittutit atuliqujaullutit piqujarnit, niriugijaulluni pivallianiarninganni gavamatuqakkut niruaqtittilauqtillugit Kanata tigusininga tigumiaqtiulutit Nunamit sivuliqtiullutillu Ukiuqtaqtumi piliriqatiqaqtuni pigiaqpallialauqsimajuq Inunnit nalunarunniiqtutillu uqausiujut 2009−mi Inuit Ukiuqtaqtumiuqatigiit Katimajinginni Silarjuap Ukiuqtaqtumi Inuit nalunaiqtausimaningit Tigumiaqtiuninginni Ukiuqtaqtumi.
“Kanatami silarjuami makitaningani pijunnarninginnillu attanaiqsimagiaqarningannut tigumiarninganni ukiuqtaqtumi malittuq atuliqtitaujuinnauninganni aaqqisuqtausimajut inunnut, ammalu sanngininginnut inuunasuattiarninginninlu inuit. Angillitittilutit inuunasuattiarnimillu Kanatami Ukiuqtaqtuup nunalinginni ikajuutiqallarikkajaqtut Kanatami ammalu silarjuap isumagijanginni Kanata iluittuuninganni”, uqalauqtuq Iul−Kanajuq.
Inuit Ukiuqtaqtumiuqatigiit Katimajinginni Kanatami angijuqqaaq uqalauqtuq pilirijariaqarninginni silarjuami isumagijauningit Kanatami angillivaallitittikannirajaqtuq piliriqatiqattiarlutit asinginni pigiarutiujunik, atuliqtitaulutit silarjuami katujjiqatigiit nalunaiqsisimaninganni pijunnautinginni Nunaqaqqaaqtuminiit Inunginni, ammalu sivuvaqtikannirlugit pijunnautingit tamakkua silarjuami qanuilinganingani.
“Piliriqatiqarumattiaratta Silarjuami Pilirijinik Kanatami Asinginnillu Gavamaujunik atutiliqtillugit silarjuami kamagijauniarniraqsimajat,” Iul−Kanajuq uqaqtunilu. Ilangit nalunaiqsimajut pilirianguniarniraqsimajut 2019−mi gavamatuqakkut kiinaujaqturutissangit piqasiujjillutit “anginiqsanit atuinnautittilutit, tukimuattittilutit kiinaujanillu sanirvailutit angillivallianginnaqullugit” Inuit asingillu Ukiuqtaqtumi Nunaqaqqaaqtuminirnut Piliriangujussat pisiuvaallititinasuarnirmut Ukiuqtaqtumi Katimajingitta Pilirianginni.
Asinginnittau piliriniarniraqsimajut silarjuami takunnaqtanginni ukuangullutit ilangit:
• Ikajuqtuilutit piusivaallitittilutillu kiggaqtuqtauninginni Ukiuqtaqtumi ukiuqtaqtumilu nunaqaqqaaqtumiit naammajjuumijunik silarjuami katimatittiqattarningit, tigumiaqtiuqataujullu qanuiluuqtittininginni, angirutiillu aivajjutaulutit;
• Piliriqatiqakkanirniqsaulutit silarjuami Ukiuqtaqtumut piqujarnit pigiarngarningani ammalu piusivallianginnarlutit Nunaqaqqaaqtuminirnit piliriqatiqarninginni asinginnillu;
• Nunaqaqqaaqtuminiit Nunalingit ilittuqsimagaluarmangaata qaujisarlugit inuuttiarmangaatalu, asinginnillu nungutikkanirlugit kaanniujut, imminiiqattaqtut, ilinniaqsimattianngiluaqtuq sanngijuutikkannirasuarlugit Nunaqaqqaaqtuminiit piqqusingitigut ammalu ilangitigut attuattiaqatiqarlutit silarjuami killinginni, ilainnangit uqausirilugit; ammalu
• Ikajuqturlugit nunaqaqqaaqtuminiit Silarjuami Pigiarutigijanginni Sila Asijjipallianinganni iluani malillutit silarjuap katujjiqatigiingitta pilirininginni katimavijjuaqattaqtut sila asijjipallianingannu tukiqarjuumijumillu piqatautittiarlugit Nunaqaqqaaqtuminiit inuusuttut.
Tamanna uqausiqarmijuq tamatuminga pitaqakkanniriaqarninganni Ukiuqtaqtumi qaujisarnirmit ilisarijaulutillu pimmariuninginni nunaqaqqaaqtuminiit qaujimaninginni atuaqsijjutaulutit isumaliurniaqtillugit.