Aggiisi 23, 2012 – Aatuaa, Aantiuriju – Tangajuqqaangat Kanatami piviqarninga taakkua Inuit Ukiuqtaqtumiuqatigiit Katimajingikkut (Kanatami) quviagijaqaqput sivuliqtiunirmut ministaunirmut angiqtitauningata Aanniaqarnanngittulirijikkunnut Minista Liuna Agluukaq Iksivautarijaunialiqtillugu Ukiuqtaqtumi Katimajinginnut.
Tuain Simis uqaqtuminiq Aatuaami ullumi, “Inuit Ukiuqtaqtumiuqatigiit Katimajingita taanna angiqtitauniq tukiqarninganik kanatami gavamakkut piliriqatikakkanirlutik ukiuqtaqtumiutanik, tamannalu tusaruminaqsuni piluaqtumi nunaqaqqaaqsimajunut. ”
Inuit Ukiuqtaqtumiuqatigiit Katimajingit ukiunik 16−nit piliriniqaqsimaliqtillugit Katimajiunirminni, Simis uqaqtuminiq timiqutinga atuinnauniarninganik piliriqatiqarnirmut piliriqatigitsiarlugu Minista Agluukaq, “Isumagijavut uqaqausirilugit tukisititaulutalu qanuq akauniqpaakkut piliriangujarialik iqqanaiqtaugunnarmangaaq isumaalugijaujuq Inunnut Kanatamiutalimaanullu.”
Ilalugu, sivulliqpaami arraagut 12 akunninginni Kanatamiut Inuit piviksaqarniaqput ammalu pijaksaqarlutik 2014−mi katimaviuniarmata arraagut sitamat aniguraimmata Inuit Ukiuqtaqtumiuqatigiit Katimajingit katimaningani arraaguunnik marruunnik Agluukaup angiqtitauninganik sivitunilik. Tamannaulauqtillugu katimaviulirmilutik Inuit Ukiuqtaqtumiuqatigiit Katimajingita aglavingata iksivautauniq aulaniqaqsimaliqtillugu arraagunik sitamanik “tamanna atautsikkuurniq atuutiqatsiqatuinnangittuq, kisiani timiuqatigiititsisiarmat Kanatamut sivulikkanirnikkut katimajini piruqpalliatuinnaqtumi nunarjuami piqatauviugumaliqpalliatuinnaqtuq Ukiuqtaqtuq atangiqtillugu”.
Taakkua Inuit Ukiuqtaqtumiuqatigiit Katimajingit kiggaqtuijut Inungnik Rasami, Alaasakami, Kanatami ammalu Kalaałiit Nunaanik pijjutilinnik nunarjuami pimmariujut ammalu ikajuqturlugit pijariaqallarittut quviagijalik atausiuqatigiingningnganik inungit. Inuit Ukiuqtaqtumiuqatigiit Katimajingit Kanatami Kanatamiunut pijittirarutauvakpuq nipigijaullutik nunarjualimaami pijjutaujunut.
Press Releases
Documenting our Progress
Donate to ICC
ICC Alaska
ICC Greenland
ICC Chukotka
Ukiuqtaqtumiuqatigiinut katimajinut inuk sivuliqti quviasuutiqaqpuq angiqtitauninganik liuna agluukaup ukiuqtaqtumi katimajinut iksivautaunirmut
The Inuit Circumpolar Council (ICC) is an Indigenous Peoples’ Organization (IPO), founded in 1977 to promote and celebrate the unity of 180,000 Inuit from Alaska (USA), Canada, Greenland, and Chukotka (Russia). ICC works to promote Inuit rights, safeguard the Arctic environment, and protect and promote the Inuit way of life. In regard to climate change, we believe that it is crucial for world leaders and governments to recognize, respect and fully implement the human rights of Inuit and all other Indigenous peoples across the globe.