Julai 19, 2018 – Utkiavik, Alaska – Inuit Katimajaqtuqsimajut Alaaskami (USA), Kalaałiit Nunaani, Kanatami, ammalu Sikaattami (Ulaasaa) ullumi pijariilauqtut 13−nganni Inuit Ukiuqtaqtumiinguqatigiit Katimajingit Katimavijjuaqtutit turaagaqalauqtut “Inuit – Ukiuqtaqtuq Pijumajavut” Utkiavimmi, Alaaskami, katisimajut sanngijuullutillu.
Ullunut tisamanut katimatillugit 64−nik Inunnit tusalauqtugut unikkaaqtunit Inuit pilirijimmaringit ajjigiinngittunit pijjutiqaqtutit. Unikkaarnillu saqqiillutit pingasunik pimmariulunnit katimaniulauqsimajunik Inuit Ukiuqtaqtumiinguqatigiit Katimajingit (ukiunut tisamaulauqtunit pivalliajulirinirmit, nirjutinit aulattinirmit, uqausilirinirmillu. Nalunaijaqsimattiaqtunik unikkaaliulauqtut Pikialasursuaq Tilijaujjutinginni Ukiuqtaqtuup Imanganni aukkannilirmit akunninganiittumit kanata ammalu Kalaałiit Nunaani unikkaarijaulauqtuq.
Taimallu Inuit Ukiuqtaqtumiinguqatigiit Katimajingit piqqusirijausuungummat asianuuqtaugiaqarninga Issivautaq silarjuami katujjiqatigiinnut Alaaskamuurnialirmijuq tisamanut arraagunut. Tali Sampu Turu angiqtuinnaullutit niruaqtaurataaqtu Issivautaunialiqtuq, inangiijuq Kanatami Ukaliq Ijitsiarmit.
“Atuni Inuit uppirijainnattiangummata. Inulimaat Inuit Ukiuqtaqtumiinguqatigiit Katimajinginni. Iluani,” uqausirirataaqtanga Tali Saampu Turu unikkaasungautiliqtillugu. “Pigiaqtittisimajuq, Iipan ᕼapssan, katitittigumalauqsimammat uvattinni. Takulauqsimammajjuk uppirijanga piliriqatigiinnik, tukimuaqatigiinniq pigiarutigijariaqaqtutigullu, ammalu atausiuqatigiittuta nipiqarnitinni silarjuami. Tamanna uqausirijumammigakku katimaningit, immikkuuqatigiigiaqarningit takussaummata inuit pijunnautingit. Nalunaiqsisimaliratta katimajiunikkut qanuilingalirnitinni − ajjiungittuugatta inuulluta, ajjiungittunit pijunnautiqaqtuta najuqtavullu ajjiungittuummat silarjuami. Upigusullarittualuujunga niruaqtaugama sivukkatarniaqtillunga Inuit Ukiuqtaqtumiinguqatigiit Katimajinginni Arraagunut tisamauniaqtunut.”
Katimajaqtuqsimajut tigusilauqtut Utkiavimmi Nalunaiqtausimajumit, tamakkiinnik titiraqsimajunik Tavvanngat Katimanirjuami takunnaqtanginnillu pilirianginni Inuit Ukiuqtaqtumiinguqatigiit Katimajingit kamagijaujumaaqtut ukiunit tisamauniaqtunik. Utkiavik Nalunaiqsilauqtut iluliqaqtuni qulinit avittuqsimajunik titiraqsimajunik 58−nillu nalunaijaqsimajunik, aqqigiarialit takkua katimanirjuami isumagiinnarlutigu “Inuit − Ukiuqtaqtumi Pijumajattinni”.
Pijariijaliqtillugit katimanirjuami Inuit Ukiuqtaqtumiinguqatigiit Katimajingit Sivuliqtiit katimajiralaangit katimalauqsimajut nutaat niruaqtaurataallu nunalirjuarniinngaaqsimajunik, silarjuamilu Issivautanganni. Sivuliqtiit Katimajiralaangit imaittuuliqtut ukua:
Issivautaq: Tali Saampu Taru
Alaaska: Angijuqqaq: Jimi Sikaats; Angijuqqap Tungilinga: Viura Makkaalp
Kanata: Angijuqqaaq: Maanika Iul-Kanajuq; Angijuqqap Tungilinga: Liisa Qupirrualuk
Sikaatka: Angijuqqaq: Luupui Taian; Angijuqqap Tungilinga: Ilaina Kaminskaja
Kalaałiit Nunaat: Angijuqqaq: Hajalma Tal; Angijuqqap Tungilinga: Nuka Kuliiman
Piul Iatma Ilisarijaujjutinga saqqiqtaulauqsimajuq Inuit Ukiuqtaqtumiinguqatigiit Katimajingit upigijauqullugit immikkuuqtut namminiq ikajulauqsimajunik saqqijaaqtittillutit Inuit pijunautinginni pijumajanginnillu, piluaqtumit takunnaqtaujut silarjualimaamit pinasuaqsimajunik, ilisarijaujjutiit kajusiinnarninginnut Inuit Ukiuqtaqtumiinguqatigiit Katimajingit Sikaatka Angijuqqaangannut Tatiana Atsirjiinamit.
Kingulirmi Inuit Ukiuqtaqtumiinguqatigiit Katimajingit katimavijjuarumaaqtut Ilulissami, Kalaałiit Nunaali 2022.