Maajji 30, 2017 – Ankurits, Alaaska – Kiggaqtuijiit inunnit namminiqaqtiujunik, pivalliatittinirmut kuapuriisannit, gavamakkunillu Kanatami, Kalaałiit Nunaani, Alaaskami Sikaattamilu, Ulaasaamilluullu katimajaqtuqalaulauqsimajut pivallianirmut Aankuritmi ammalu angirutilirinirmit piliriqatigiikkannirumallutit silarjuap ukiuqtaqtumiutanginni.
Katimatillugit aulataulauqtut Inuit Ukiuqtaqtumiuqatigiit Katimajingit pilirianginnut 2014 Katigajuttuit Nalunaiqtauningit taijaujut Inuit Ukiuqtaqtumiuqatigiit Katimajingit Kajusigumallutit Silarjuap Ukiuqtaqtunginni Inuit namminiqutilinnut katimaniujumit qimirruniaqtutit qanuq piliriqatigiikkannirunnarmangaata inuit namminiqutiliit atuqsimajanginnillu unikkaarlutit.
Jim Sitaats, Angijuqqaaq Inuit Ukiuqtaqtumiuqatigiit Katimajingit Alaaskami katimatittilauqtut, matuiqsillutit uqaqtutillu “Pijumajuqpaaluttaqaqtillugu piruqpallianinginnillu ukiuqtaqtumi katiqattariaqaliratta uqausiqarluta qanuq inui namminiqutiliit pigiakkannirunnarniarmangaata tamatuminga − namitunnaq ukiuqtaqtuuninganni”.
Piqataujut tusaalauqtut pilirijimmarinni makuninga uqsualulirinirmit, silamit imakkullu ingirravattunik, ujararniarniq, tusaumaqattautiliriniq ammalu pilirijumaninginni maannalisaujunik sivunittinillu pivalianinginni Ukiuqtaqtumi. Katimaqataujut atuni nunalirjuanit unikkaaqalaurmijut amisunit namminiqauqtunik nunalirjuanginni nalunaijaillutillu silarjuami piliriqataujumagajarninginni tamatuminga. Vuunu ᕼamikan, Iqqanaijaqtinut Sivuliqti Kalaałiit Nunaani Angijuqqautinik Ukiuqtaqtumi Uqarjuumilaurmijuq ukiuqtaqtuq asijjipalliammat, taimaattau ukiuqtaqtuq asijjiivallianiarmijuq silarjuamit”.
Ilisarillugit tamakkua Inuit namminiqutingit pivallianinginni Ukiuqtaqtumi makimajjutissaullutit piujukkut ammalu turaagaqaqtutit pilirijumatiarninginni angirraminik silarjullu killinginni, katimajaqtuqsimajut angiqatigiilauqtut sivumuakkannirumalirninginni katujiqatigiillutit. Angiqatigiilauqtut parnattinit saqqiilutit marruunnik atuni nunalirjuarnit ilaqarlutit pivalianiarngata silarjuami Inunnit Namminiqaqtiuju Katimajinginni piliriqatauqattarlutit silarjuap Ukiuqtaqtunganni.
Inuit Ukiuqtaqtumiuqatigiit Katimajingit Issivautanga Ukaliq Ijitsiaq quvialauqtuq amisunik katimajaqtuqtuqarngat uqaqtunilu, “Maannaujuq isumataaliqqigasugiaqalirmijugut makimajjutissanit ukiuqtaqtumi Inuit isumagijanginni Inunnut Inunnit. Piqasiutilugit tamakkua namminiqarnirmut pivallianiit Inuit Nunanganni.”