Tisipiri 9, 2015 – Piuris, Vuraans – Nipigijaujut nunarjuami niglasunniqpaamiutanut ammalu nunaqaqtunut kiaqarniqpaanimiutanut uqausiujuminiit atausiuqatigiivviullutik ullumi tiliurijut ajuinnarutauqullugu pujurluup siammapalliavingit mikillivaallititsigajaqtut nunarjuami silanniutitigut uvvariarluni 1 5−mut Silanniutitigut. Tuksiraangujuq uqausiulluni Nunaqaqqaaqsimajunik kiggaqtuijunut Inuit Ukiuqqataqtumiuqatigiinut Katimajini, Saamimi Katimajini, Tariup Akiani ammalu Gavamakkunginnik Siasiullas tusaqtitsigutaulauqtillugu titiraqtaugiarngatausimajuu kingulliqpaap aajiiqatigiigutiqaqtuminiit pillugit titiraqsimajuq silaup asijjirninga pillugu ajiiqatigiigutauvalliatillugit Piurismi.
“Takuvalliatuinnaratta ajjigiinniqauqtunik silamut attunirluigutaujunik Ukiuqtaqtumi silanniutitigut 1. 5 niglasunniq tungautsimmat naammattumik,” uqaqtuminiq Ukaliq Ijitsiaq, Iksivautangat Inuit Ukiuqqataqtumiuqatigiit Katimajingita, kiggaqtuijut ukuninga inungnit kanatami, Kalaałiit Nunaani, Sukutka (Rasa) ammalu Alaassa. “Ukiuqtaqtuq nirumitsivalliatuinnarmat marruaqtiluaqtumik sukannilimmik nunarjuami nirumitsivalliajuni, marruunnik silanniutitigut killiqaqtitsiniq uqaqatigiigutauvuq tavvani piurissi attuinirluniaqtuq ulurianaqtutigut ammalu utiqtigunnaillilugit surraittuuvinganut Ukiuqtaqtuup nunaliqutinginni.”
“Ukiuqtaqtumiutait qikiqtamiutaillu ajjigiigalannik inuusiqarmata,” uqaqtuminiq Raanni Jumiu, Siasiullas Katimaliuqati Silaup Asijjipallianinga Pillugu ammalu Nunalillatumiut Pivallianingitigut Isumaaluutaujunut. “Sivulliqpaugatta silaup asijjirninganut attuqtaunirmut. Killisiniarnikkut nalunarunniiqtitausimaninga 2−mik silanniutitigu killiqarviugiaqarmat silaup asijjirninga attuiluakkanninginningani. Aglaaluunniit 1.5 silanniutitigu quvvasiluammarimmat kisiani piviqarviginiarattigu tamatumungalingajulirigunnaqsiqulluta ilittunikkut.”
“Tiliuqpavut nunalijjuamiutait tamaaniittut Piurismi gavamalirinirmitigut tunisimaniqaqullugit tamatumunga piliriangugumajumut,” uqaqtuminiq Aili Javu, Angajuqqaaq Saamimi Katimajinut. Saamimiut Nunaqaqqaaqsimajunik Ukiuqtarninginniittut Nuaui, Suviitan, Vinlan ammalu Ukiuqtaqtumi uapnaqpasingani Rasaup. “Tamanna nalunarluni apiqqutiungimmat qangakkut silaup asijjirninganut atuiniqalirmangaaq nunaliqutigijattinnit. Malillugu Katujjiqatigiittut Nunaliuqatigiit Piliriarigumajanga Katimanirmi Silaup Asijjirninga Pillugu nunalirjualimaat tunisimaniqaqput ajjigiinnginnirminnik tigumiaqatigiillutik kisiani ajjigiingittunit piliriaqsaqauqsutik. Maanna takujariaqaliratta aulajjattunik ammalu pigiatsautigilutik.”
“Pijariatujuuluta inuunginatta ilitturunnaqsutalu inuuvugut, kisiani 2 Silanniutitigut killiqarasuarniq ajurnarutaukkanirniaqpuq aksururnarluni Nunaqaqqaaqsimajutuinnaunngittunut. Ukiuqtaqtuq auqattaliqtillugu tariurlu itillivalliatuinnaqsuni 1 pilianiittut Inuit inuusiliit sijjaqpasiuniqsaniittut ulurianaqtumiiliqput nutaamut avatilirinirmuungajuqaliqpalliatuinnatillugu,” uqaqtuminiq Ijitsiaq.
“Qikiqtamiutaulluta ammalu Tariup Akiani Nunaqaqqaaqsimajut, nunairutigumannginatta angirraqarvitinnik,kinatuinnaq taimaaksainnaq angirraigutigumanngimmat nunarjuami. Taimaimmat aivagutigijavut aigutigiinnasiaqsutigulu, tiliurivugut kikkutuinnarnik ilaliutiqullugit uvattinnut,” uqaqtuminiq Milaan Luiak, Nunalinganiinnguuqsimajut Maarsul Ailans Ilagijaujjutiqaqsunilu ariup akianut Nunaqaqqaaqsimajunut Katujjiqatigiittunut.
Ukiuqtaqtumiut qikiqtamiullu tikkuaqsutik Gavamakkunginnut Kanataup, atuliqtitaurataaningata inillatsaqtaugutigisimajangata Katujjiqatigiit Qikiqtarlatuniinniqsanut Turaangajuq, uqausiqaqtuminiullutillu ikajuqtuinirminnik tikiutijaugasuaningata 1.5-silanniutitigu, uuttuutauqullugu tunisimaniqarningita miksaanut nunalirjuat uvani COP21 saqqijaarutaugiaqarmat aajiiqatigiigutaujut kajusititautsiaqullugit.
“Nalunangittumik nalunaijaijuqaqsimalirmat Nunaqaqqaaqsimajut nalunaiqsigutingitigut amisunut arraagunut iqqagillutigu nunaliqarvivut angirrarillutigu tavvanilu katimanirmi COP21 qilamiujumik, isumatsaqsiurutausimatsiaqtumik katujjiqatigiinnikkut nunarjuamiutanut uqausiqaqtunut kamaginiarlugu silaup asijjiininga,” uqaqtumiq Maatalii Ukaliq, Angajuqqaaq Kanatami Inungnut inuusuttunut Katimajinut Kanatami. “Atuqtauqattaqsimanikut nalunaiqsimmata katujjiqatigiittut piliriqatigiitsutik atausirmik piliriaqarviqaqsutik tukiutigumajamitigut tamanna atuqratsaujuq. Inuusuttut tiliurivut tunisimaniqaqujillutik tikiutilugu 1.5 silanniutitigu — ukununga kinguvaangujunut pillugu amisunullu aggiqtunut sivuniksatinni. Sivuniksatta tamanna tatigimmauk.”
“Kanata katujjiqataulirataaqqarmi tamatumunga piruqpalliatuinnaqtumut tamaani Piurismi,” uqaqtuminiq Jumuu. “Tiliuqpakka sivuliqtiuqatikka tikiutijariniarlugu 1.5 C silanniutitigut tikiutijarijaugumajuq.”