ᑕᐃᒪᓐᖓᓂ ᑎᒥᓐᖑᓚᐅᖅᓯᒪᒐᑦᑕ ᑐᓴᐅᒪᖃᑦᑕᐅᑏᓐᓇᖅᑐᒍᑦ ᐃᓄᓐᓄᑦ, ᓯᓚᕐᔪᐊᓕᒫᒥ. ᐱᒋᐊᖅᐸᓪᓕᐊᑎᓪᓗᑕ ᓈᓚᐅᑎᒃᑯᖅ ᑐᓴᖅᑎᑦᑎᕙᓚᐅᖅᑐᒍᑦ, ᓱᒃᑯᔪᒃᑯᓪᓗ ᐱᕙᓪᓕᐊᔪᓂᒃ ᓴᖅᑮᓪᓗᑕ, ᑕᓚᕖᓴᒃᑯᓪᓗ ᐊᐱᖅᓱᖅᑕᐅᕙᑦᑐᑎᑦ ᐱᓕᕆᐊᑦᑕ ᒥᔅᓵᓄᑦ. ᑐᓴᐅᒪᖃᑦᑕᐅᑎᕆᓂᕐᒥᑦ ᓴᖅᑭᖅᑐᑲᖅᓯᒪᓕᕐᖓᑦ, ᐃᓄᐃᑦ ᐅᑭᐅᖅᑕᖅᑐᒦᖑᖃᑎᒌᑦ ᑲᑎᒪᔨᖏᑦ ᖃᓄᑐᐃᓐᓇᑦᑎᐊᖅ ᒐᕙᒪᑦᑎᒎᓐᖏᑦᑑᒐᓗᐊᖅ ᑲᑐᔾᔨᖃᑎᒌᖏᑎᒍᑦ, ᑐᓴᐅᒪᑎᑦᑎᒍᓐᓇᓕᖅᑐᖅ ᓯᓚᕐᔪᐊᓕᒫᒥᑦ.

ᖃᕋᓴᐅᔭᒃᑯᑦ ᑐᑭᓯᒋᐊᕈᑏᑦ ᐋᖅᑭᔅᓯᒪᔪᖅ ᕿᓂᕈᒪᓐᓂᕈᕕᑦ ᐱᕙᓪᓕᐊᔪᕈᖅᑎᑕᐅᓯᒪᔪᓂᒃ, ᐅᓂᒃᑳᕐᓂᑦ ᓴᖅᑭᖅᑕᐅᓯᒪᔪᓂᒃ, ᑭᓱᑐᐃᓐᓇᕐᓂᑦ ᑐᑭᓯᒋᐊᕈᒪᓐᓂᕈᕕᑦ ᑲᑐᔾᔨᖃᑎᒌᑦᑕ ᒥᔅᓵᓄᑦ, ᐱᓕᕆᐊᑦᑎᓂᓪᓗ.

ᑭᒃᑯᑐᐃᓐᓇᕐᓄᑦ ᑐᓴᕋᔅᓴᐅᔪᒃᑰᖅᑐᑦ ᑐᓴᖅᑕᐅᑦᑕᐅᑎᒋᕙᑦᑐᑦ ᑕᑯᔅᓴᐅᓪᓗᑎᒃ ᓂᐱᓕᐅᒐᐅᓪᓗᑎᓪᓘᓐᓃᑦ ᐱᓕᕆᐊᑦᑎᓐᓂ ᐅᖃᐅᓯᓖᑦ.

ᕿᒥᕐᕈᓕᕈᔅᓯᐅ ᖁᕕᐊᒋᑦᑎᐊᕐᓂᐊᖅᑲᓯ.