Nuvipiri 25, 2015 – Aatuaa, Aantariu – Inuit Ukiuqtaqtumiuqatigiit Katimajingit tilisiniaqtut katimajaqtuniaqtumik sivuliqtauluni Ukaliq Ijitsiamut, Iksivautarijaq Inuit Ukiuqtaqtumiuqatigiit Katimajingikkunnut nilliagutiqariaqturluni kiggaturlugit Ukiuqtaqtumiut Inuit Katimaniulaaqtumi Katujjiqatigiit Nunaliujut Silaup asijjirninga pillugu aajiqatigiinniulaaqtumut Piurismi, Vuraans, Nuuvaimva 30 tikillugu Tisipiri 11, 2015. Inuit katimajaqtuqtut piqataulaaqtut nunaqaqqaaqsimajunut nunarjuamiinngaaqsimajunut ajjiqanngittunik unikkaariaqturluta silaup asijjirninga pillugu Piurismi sila uqaqatigiigutautillugu.
Ukaliq Ijitsiaq uqaqtuminiq, “Inuit ilusingat ammalu qanuingitsiarninga attuanginnalimaaqtuq avatimut. Inuit isumaalugijaqallarittut attuinirlugutaujunik silaup asijjirninganut piqqusini pillugu, inuuqatigiingninga ammalu kiinaujaliurasuarnirmut ilusiq.” ijitsiaq ilaliujjilluni, “Inuit riurismiilaaqtut iqqaititsijaqtuqsimalutik Nunarjuamiunik Ukiuqtaqtuq nalunaikkutaummat ilusinganut nunarjuap. Naliak iluunnatillu atuqtaujut aaqqigiarigutaullutik ammalu ilitturutaunirmut nalimugijariaqarmagit uqausingit nalunairlugit, ilitarilugit ammalu atuliqtillugit inummut timilimmut pijunnautaujut kanatami ammalu nunarjuami angiqatigiigutit. Ukiuqtaqtumi Inuit katimagiarniaqtut qaiqujivut sivuliqtinit ammalu tilijaulutik katimajaqtuqtunik Ukiuqtaqtuup ulluqaqtitauninganut Tiisavva 8−mi quviasuutiqariaqturlutik ammalu amiqqautiqarlutik uqausikkut piqqusittinnit Inungnit ammalu Saamimiunik.”
Inuit Ukiuqtaqtumiuqatigiit Katimajingikkut katimajaqturumaarnianinga piurismut piliriqatiqarumaarniaqtut asinginnit Ukiuqtaqtumiunik Kanatami katimajaqtuqsimaqatauniaqtunut piqataulutik Mialigai nunannganniinngaaqtut, Kingtamnganik Tianmaakma Suviitan, Nuavui, Vinlan ammalu Rasa. ICC−kut Kanatami Angajuqqaangat, ᕼuup Nakimajak piqataugajaqtuq silaup asijjirningata miksaanut katimanirni ilagiunini angajuqqaangunirmut Kanatami Katimajaqtuqatausimaluni. ᕼuup Nakimajak uqaqtuminiq, “Qaiqujauniq Minista Makanamut Ukiuqtaqtumi Inuit isumaaluutingit pillugit silaut asijjirninganut tavvunga pimmariujumut katimanirmut nalunairutauvuq Gavamakkungit Kanataup ilitaqsisimaninganik pimmariuninganik Ukiuqtaqtumi silaup asijjirninganut isumaaluutaujut asijjiillunilu piliriqatiqarnitinnik gavamakkunnik. Inuit pijumallutik ikajuqtuimmata kanatamik aniguqtisitsiarniariaksaq atuutilimmik angiqatigiigutimik Piurasmiillutik”.
Inuit tiliurivut nunarjuami nunaliujut ammalu gavamanik piluaqtumi, Katujjiqatigiittut Nunaliujut Pijaksanganik Angiqatigiigutiqarnirmik Silaup Asijjirninganut Katimanirmi Piliriqatigiittunut 21, aaqqigiaqtausimajunik aturatsanik piliriniarmata ikullaqtigumallugu pullapalliajut silarjuami uqquuninganut sannginingit ataaniittut ~450 ilaliutijut milian atausiq angininga malillugu, qaujisattautsiaqullugu ilavalliagutaujut nunarjuap nirumitsivallianinga uvaniinginnaniarmat niruminningata ataani 1. 5°C, ikajuqturlugit Inuit ilittunirmut ammalu aaqqigiarigasuarnit, atuqtitauluni Inuit qaujimaninga nalunaiqtausimajut tunngaviulutik isumaliurutaujunut tukitaarutaujuqaliraippat, saqqititsilutillu kiinaujaqaqtitsigutaugajaqtunik ikajuqtuijunik nunaqaqqaasimajunik piqataulutik Inuit nautsiturnirmi piliriarilugulu silaup asijjirninga. Ukaliq ijitsiaq nalunaiqsijuminiq, “Inuit tatiqarmata niqitsamut nunamiutanik imarmiatanillu. Silaup asijjirninganut attuinirluttut ukiuqtaqtumi, Inuit pijunnautingit angunasuarunnanirmut ammalu piqqusini aturumalugu tamakkua attunirluttaummata.”
Inuit Ukiuqtaqtumiuqatigiit Katimajingikkut katimajaqtuqsimajut tilisimajangit ukuangulutik Inuit sivuliqtiit ammalu inuusuttunut kiggaqtuijiit taakkunangat pingasunit nunalinni: Maatali Ukaliq (Angajuqqaaq, Kanatami Inuusuttunut Katimajinut, Inuututtunik Kiggaqtuiji), Kaati Tautunngi (Angajuqqaaq, Nunavut Tunngavikkut Timiqutinganut), Riajjinut Juul (Maijagijaminiq Nunatsiami Ukiuqtaqtumi Piurul, Alaaska), Liin Kiulsan (Inuit Ukiuqtaqtumiuqatigiit Katimajingit Kalaaliit Nunaa), ammalu Aili Liimakka Lau (Inuit Ukiuqtaqtumiuqatigiit Katimajingit Kalaaliit Nunaa – Aulaksijinut Katimajinut Katimajiuqati).
Inuit Ukiuqtaqtumiuqatigiit Katimajingikkut qaujisaqtiunirmik Pinasuagaliit Katimanirmi Piliriqatimi. Inuit katimajaqtuqsimajut, katimajaqtuqsimajunittauq Saamimut Katimajinit, Kiggaqtuiniaqtut Ukiuqtaqtumik tavvunga Nunarjuami Nunaqaqqaaqsimajunut Katimanirmi Silaup Asijjirningata miksaanut, nunarjuamiinngaaqsimallutik katimajiit kiggaqtuijut pijumajangit Nunaqaqqaaqsimajut nunarjuami sakituinnaq Kiggaqtuigutigillugit Katujjiqatigiittut Nunaliujut Pijaksanganik Angiqatigiigutiqarnirmik Silaup Asijjirninganut. Qimirruniarmajjuk inilasaqtaujuq paippaaq kajusititaujuksamaaq Inuit Ukiuqtaqtumiuqatigiit Katimajingikkunnut Piurismi.